一篇自言自語嘅廢文,不喜勿插

「愛人如己」,「你想人點對你,你先點對人」

相信每個基督徒都好明白以上兩句說話,亦都講過無數次,係咪?

若講「愛人」,相信好多人都好熱心好盡力去幫人,唔係要有乜嘢回報,而係真係出心出力去幫人。當對方婉拒自己嘅盛情時,自己總係覺得無所謂,因為自己真係好想幫對方。

假若呢一刻可以調換身分,自己又會點樣面對對方嘅盛情呢?無論自己幾唔掂都好,基於唔想麻煩到人嘅大前題下,通常都係話「唔洗喇,我自己搞得掂,ok㗎!」

係呢一刻,你覺唔覺自己精神分裂呢?你要人點對你,你先點對人吖嘛,當初自己咁熱心幫人,即係想人哋都咁對自己啦,係咪?當人哋好熱心幫自己時,自己會推卻呢?

當我自己去反省時,我不禁問自己:你係真心想幫人嗎?還是想透過幫人去滿足自己?點解你會見到人哋有需要,而忽視或掩飾自己嘅需要呢?

如果「愛人」真係要「如己」的話,我先要認識自己,先可以去愛人。如果我連自己都唔認真地愛,我又點可以認真地去愛人呢?

其實愛嘅關係好正,當你承認自己有需要,容讓身邊嘅人提供協助,你會感受到愛。當有機會時,自己又去幫返人,咁樣,大家就可以讓愛去延續落去。

無論係愛人愛自己,都要先用自己個「心」行先。如果唔用心去愛,咁樣仲可以稱為愛嗎?

CK Lam 發表在 痞客邦 留言(0) 人氣()

(2021年3月29日)


今日我嘅身份係陪診員,陪家人到醫院做 PET-CT,等候期間,見到5個中年,甚至更年輕嘅男女跟姑娘去做放射治療。見到呢個景象,我不禁嘆息:癌症遍及嘅年齡層實在係好廣闊。

坊間好多資訊都叫人要過健康嘅生活,多做運動呀,早睡早起呀,多菜少肉呀等等…如果大家都跟足晒去做,係咪真係可以避免有嚴重病痛?現實話我知:唔係囉!

無論你生活得幾健康都好,癌症一樣會搵上門。
無論你生活得幾混亂都好,可能會平安過一生。

世事無常,唯有調整自己嘅心態同生活去面對。

其實人生真係好得意,當你有好好人生目標時,一場大病,可以令你看破紅塵,萬事皆可放得低。

原來,腳步放慢,才能夠欣賞呢個世界。
原來,定睛細看,才能體會自然的奧秘。
原來,用平常心,才能看到世界真奇妙。
原來,平凡就是好。

平凡好簡單,就係用心去感受你每日必然發生嘅事情。

平凡,可能係身邊一片落葉。
平凡,可能係身邊一隻流浪貓。
平凡,可能係每日嘅日出日落。
平凡,可能係家人為你預備嘅一餐飯。
平凡,可能係每日車你返工嘅巴士司機。
平凡,可能係每日開門比你嘅看更。
平凡,可能係你一d都唔會留意嘅生活細節。

其實,能夠活得平凡,已經係最好。

CK Lam 發表在 痞客邦 留言(0) 人氣()

炎熱的一天,我又想起媽媽…

媽,在公司樓下的柱旁,妳曾在那裡拿著湯等我下來,就算天氣有多熱,妳都依然站在那裡等我。

今天,我再經過這裡,我便想起妳,妳好嗎?

(2020年7月)
媽,我公司已經搬了去鰂魚涌。

CK Lam 發表在 痞客邦 留言(0) 人氣()

第八天,李克勤mode:像紅日之火,燃點真的我,結伴行,千山也定能踏過……

今日目的地只有一個:土庫(Turku),再一次隨心而行,探索新環境。

1. 由赫爾辛基去土庫,要坐2個鐘火車
2. 去咗間cafe仔食lunch,好味
3. 參觀土庫城堡
4. 沿河邊同陽光玩遊戲
5. 巧遇單車比賽
6. 土庫主教座堂 (Turun Tuomiokirkko)
7. 夕陽醉了

Day8: 自家製🥙早餐後,就出發搭火車去🛡土庫,🕑兩個鐘嘅車程由🌝天晴搭到🌚天陰,落車後第一站向🏰土庫城堡進發,途中難得見有食肆🏪開門,唔埋係乜,食咗先講🤣,但係估唔到個焗🦐虾pancake同🍖火腿芝士pancake都幾好食,咖啡仲免費任飲;食完出嚟又見返🌞太陽,而且有啲熱,喺土庫城堡兜咗個圈,沿🏞河邊行去土庫主教座堂,呢度唔止🖼風景靚,仲比我哋遇到🚵單車比賽,好激烈呀!返火車站途中經過🏟大廣場附近教堂仔,打過咭就搭返三層火車回🏬apartment,煮晚餐嘅同時,老公仲影到🔥火燒天time lapse,食飽已經好眼瞓😴了!

01 DSC_1093.JPG

(自家製早餐)

今朝早唔可以太晏出門口,因為要搭09:37嘅火車去土庫。老婆比我早起身,整定早餐等我食,正!

文章標籤

CK Lam 發表在 痞客邦 留言(0) 人氣()

第七天,林子祥mode:烈日面上吻我,它好像火舌舔著我……

晨咁早🌅check-out落樓食免費🥐早餐+搭免費🚌shuttle bus出機場,點知航班又delay😴;可能等到呆咗,去到🇫🇮芬蘭出錯閘口,要搵人幫手放返我哋入去攞🛄行李… 好彩嚟到赫爾辛基勁🌞好天,仲食咗餐勁好味嘅🍖午餐,之後去咗尋找🛳破冰船&閒遊舊地,逛咗間從未行過嘅department store買🚿淋浴露,買完聽日🎫火車飛再喺supermarket買🥑餸返apartment預備🍕晚餐,點知比部🔮洗衣機玩完一輪都洗唔到👕衫,最後決定落街行吓🏞湖邊、打吓🦆雀再算!

今日,晨咁早就要出機場,坐早機飛赫爾辛基,唔好問我做咩事要咁早走,因為我都唔記得咗,相信中間一定係有d嘢嘅,否則我哋實會揀中午機走,所以今次搭早機嘅原因,會係一個世紀懸案!

由於我哋早到6:30就要搭酒店shuttle出機場,而酒店餐廳就剛剛開門,所以我哋無得坐定定嘆早餐,只可以喺lobby食個簡單早餐。講得簡單,就只係有麵包、生果同咖啡茶。

(酒店Lobby簡單早餐)

01 DSC_9679.JPG

酒店shuttle係要預早book嘅,我哋喺check-in時已經book咗,唔知係咪因為我哋係房客,所以個職員無收我哋shuttle嘅錢,雖然只€2一位,感覺上又好似著數咗,哈哈~

(等緊6:30班shuttle)

02 DSC_9686.JPG

文章標籤

CK Lam 發表在 痞客邦 留言(0) 人氣()

(2018年4月26日)

第六天,葉倩文mode:徘徊叢林迎著雨,染濕風中的髮端……

是日景點📷都係得一個,就係距離酒店不足1⃣小時車程嘅羅斯基勒;喺Valby轉🚞火車其間,由於班次delay又搵唔到個🏧售票機,令我哋有啲迷惘,好在遇到啲好helpful嘅🇩🇰丹麥人幫我哋一把,不過就由落雨等車等到落埋🌨雹都仲未等到😴;去到諗住搵郵局買📮郵票,又好彩喎,原來遊客中心已經有得賣,仲遇到個雖然🐥🐧腳,但好好人嘅💁職員,去到食飯又落超級大雨,之後冒住雨去咗維🏛京船博物館…行🎁禮品店(因為去到已差不多關門😅),返回市中心行🛒supermarket買杯麵&手信,影埋個車站前🏺大花樽就回巢嘆杯麵,正!

今朝起身,唉~又係天陰有雨,真掃興…

今日嘅行程只去一個地方:Rosklide羅斯基勒,我都唔知有咩好玩,上網睇只係有一間教堂,同埋維京船博物館比較出名,其他就唔太清楚。不過咁,去旅行又唔一定要行程緊密兼豐富,有時隨心而行,享受慢活都係另一種體會。

(又係天陰…)

01 IMG_1849.JPG

文章標籤

CK Lam 發表在 痞客邦 留言(0) 人氣()

今晚,腦海中閃過幾個同媽媽有關的片段:

1. 她在家中車衣,我伏案做功課
2. 我拿到游泳獎牌,我拿給她看
3. 在婚紗店,我為媽媽挑選晚裝
4. 媽媽發高燒躺在床上,我們召了救護車送她到醫院,這是她在家的最後一夜……

媽,妳在天家好嗎?

CK Lam 發表在 痞客邦 留言(0) 人氣()

(2018年4月25日)

第五天,張學友mode:冷冷雨喎哦喎哦,沒焦點因找不到你…

原本plan咗上德,見又落雨🌧就喺Malmo行吓算啦;食完🍳早餐行咗去Turning Torso及附近🏖海邊,逛咗陣🛒supermarket就出🚉火車站食晏,再搭車返🇩🇰哥本哈根;過到丹麥又遇番上次冇硬幣🚏買車飛嘅問題,不過今次唔怕喇,因為老公張「揸兜咭💳」可以用pin…勁呀!Check-in完諗住去阿美琳堡🏰外嘅車仔檔食熱狗🌭 & pancake🌮,點知冇開;再搭🛥船諗住去🚛貨櫃場食飯,點知拆晒變咗地盤🚧…又凍又餓,唯有喺新港食住🌪西北風送漢堡🍔,結果返到酒店感覺病病哋🤧,食完藥💊即瞓!

經歷完尋日嘅冒險之旅後,相信精神同體力都消耗咗唔少,所以尋晚非常好瞓。到今朝起身嘅時候,都仲覺得有d攰攰地,都係唔好再去探險,簡簡單單市內觀光算吧。將去隆德嘅計劃押後,留待下次再去啦。

望望個窗,噢,今日落雨啊,睇睇個天,相信都唔會咁快停雨,咁就落樓下嘆早餐啦!

(是日天陰有雨)

01 DSC_9371.JPG

搵個位坐低後,就行個圈睇吓有咩食,竟然見到有部格仔餅機,整一底都要兩三分鐘,無問題啦,反正今日唔趕,咁就整番件食吓先!

(格仔餅機)

02 DSC_9378.JPG

文章標籤

CK Lam 發表在 痞客邦 留言(0) 人氣()

一個平凡而且炎熱的中午,我如常伏案工作,在寧靜的工作環境下,我的手機響起,是媽媽的來電。

我按下接聽鍵,然後俏皮地說:

「喂,老媽子,咩事呀?」

在電話的另一邊,傳來媽媽親切的呼喚:

「松呀,我煲咗湯,攞比你飲好嘛?」

「梗係好啦,有人煲埋送埋愛心靚湯,點解唔飲呀?妳去到邊呀?」

「我已經到咗你公司樓下嘞...

「哎呀,老媽子,我咪叫咗妳差不多到就打比我嘛,咁妳就唔洗喺度熱住等我啊!」

「我唔記得咗呀...」

文章標籤

CK Lam 發表在 痞客邦 留言(0) 人氣()

(2018年4月24日)

第四天,譚詠麟mode,我卻覺冷又寒,縮起雙肩苦笑著,北風彷彿身邊四吹……

是日行程只有一個景點🗿Ales Stenar,複雜程度卻超乎我哋想像🙄;早完餐搵酒店幫我哋卜巴士,點知佢駁上駁上駁上駁😴…咗20分鐘才幫我哋卜得到,真係辛苦晒🙇!嘭嘭聲買完車飛趕上🚊火車去Ystad,旅客中心個阿姐💁話回程要喺荒野行5⃣Km才有巴士站(明明谷歌話可以巴土轉巴士…🤔),最慘就係連預卜咗嘅小型巴士🚐到夠鐘都冇出現,正想打消行程😭之際,有個只講瑞典文嘅司機👮停車講咗堆嘢,終於上到車😑!落車行20分鐘🕝就到景點,食咗個🐡漁村風味午餐就上山食咗一個鐘🌪風回程,結果真係有巴士…谷歌大神真偉大!成功回歸諗住食返🍖餐好嘅獎勵自己,點知又貴,服務又差,幾好食都冇用啦😠

雖然今日景點只有一個:Ales Stenar,但係探險味道勁濃,因為Ales Stenar喺一個好荒蕪嘅地方,我哋又唔自駕,只可以搭火車同巴士前往,搭火車唔係問題,反而搭巴士先係問題。

由於當中有d變數係我哋控制唔到嘅,所以,我哋都唔食咁耐早餐,早少少去處理,先講講今次嘅交通安排,等大家都知道個麻煩位喺邊度。

去程交通安排:

1⃣ 由Malmo坐火車去Ystad

2⃣ 由Ystad搭架392號巴士前往Ales Stenar,到達後,行20分鐘上個小山丘就到

回程交通安排:

3⃣ 由Ales Stenar行番出巴士站,先坐392去到荒山野巔(總站)

4⃣ 落車後向前行7分鐘,再轉570號巴士返Ystad

5⃣ 由Ystad坐火車返Malmo

文章標籤

CK Lam 發表在 痞客邦 留言(0) 人氣()