（2017年4月15日）
4月15日，係一個值得記到實一實嘅日子，因為我哋喺n年前嘅呢一日結
今日嘅行程就係由芬蘭嘅赫爾辛基，搭中午機去丹麥嘅哥本哈根，抵達後嘅行程就無計劃到，到時先算啦。
今朝起身之後，第一時間出去露台睇吓我個好兄弟，今次呢位「巴打」無陣亡，無衰喺689手上，佢成功完成咗一晚嘅time lapse任務，真係辛苦晒！一邊收機一邊望住出面嘅景色，雖然今次係第二次嚟住，依然覺得呢度好靚好舒服，如果出年再嚟，可以考慮再住，始終呢個地方交通方便，而且唔貴，環境唔錯。
（Say goodbye to Helsinki, nice weather! ）
臨走前，喺門口影番張相先，呢度真係好舒服好寬敞，諗番起前一日喺露台，hea住曬太陽嘅時候，都依然感受到嗰種舒服嘅感覺。
（好大好寬敞而且好舒服嘅apartment ）
之前同apartment聯絡咗，我哋可以點check-out，因為上年係臨走前先比錢，可以順便check-out埋，而今次呢，佢話只需要放條鎖匙入門口個信箱就可以，估唔到apartment check-out都可以咁簡單，同酒店嘅express check-out一樣，真方便。
（『寄』咗條鎖匙就可以check-out ）
當我「寄」條鎖匙嘅時候，我見到門口有一家四口嘅外國人喺度，我估佢哋應該係要check-in，不過office未有人番工，相信佢哋要再等多一陣先得lu。
每次離開呢個apartment，或者出門口去第二度時，我哋都會同個apartment selfie，但係今次帶咗兩隻羊仔嚟，點都要同佢哋留個念先！
（Mary & Poe）
設計對白：
Mary：喂，咩解究你跟咗佢哋10年，都仲咁眼瞓嘅？
Poe：車~~講呢D，你又咪係黑面黑足10年~~
Mary：我仲咬住枝花㗎，咁都睇唔到！
Poe：……
去到呢一刻，終於要告別赫爾辛基，踏上前往丹麥嘅路途，唔洗掛住我哋啊赫爾辛基，我哋會再番嚟㗎！！
（買車飛出機場 ）
今次買飛同之前一樣，都係唔洗理佢P線定I線，只要目的地係機場，時間又ok就可以，好簡單。
（成功）
今朝早無整早餐，因為可以嚟機場嘅lounge食免費早餐嘛，我哋記得2012年嚟呢度嘅時候，搵到Finnair Lounge，用Priority Pass可以免費幫襯，d嘢食嘢飲都好正，所以想再去多次，點知……👉👈……Finnair Lounge已經唔再收Priority Pass……噢，點算好……咁咪去搵第二間Lounge lor，總會有嘅……
搵緊Lounge嘅時候，見到有塊黑板比人畫嘢，手多多畫番兩舊雲先，哈哈～
（兩舊雲又出現嘞，今次飛咗去芬蘭）
最後終於搵到個Aspire Lounge，都係免費嘅，不過d嘢食就無Finnair嗰個咁好，anyway，唔洗錢嘅，仲想點吖！
（用Priority Pass 去 Aspire Lounge 食免費早餐）
（進入大鄉里mode）呢度個咖啡機好先進㗎，用touch panel就可以整到杯咖啡，要咩咖啡就隨便揀啦，多糖少奶，少糖多奶，唔糖唔奶，悉隨專便，有無咁先進呀～～
（全電子化控制）
（真係好先進）
我哋就喺呢度嘆咗個免費早餐。
（Aspire Lounge）
呢間就係我話幾唔錯嘅Finnair Lounge，可惜，無得再免費幫襯……
（Finnair Lounge，之前用Priorit
食飽早餐後，就要搭飛機去丹麥嘅哥本哈根，再見嘞，赫爾辛基～～👋👋
（再見赫爾辛基）
著陸時遇著大雨，即時變咗貴人……
（落雨@哥本哈根）
攞番晒d行李之後，喺哥本哈根嘅第一個挑戰，就係買車飛出市區！呢個機場十分之繁忙，實在係可以用「戰地」嚟形容，售票機好多，排隊繩好長，排隊嘅人又好多，維持秩序嘅人遍佈四周，感覺上好似唔可以唔識買飛，稍一猶豫，就會阻住後面，然後就會有個職員走嚟「提供協助」，完全感受到嗰種壓迫感呀！
我見排隊嘅人都無推行李車，所以就叫老婆去買飛，我就睇住d行李，當老婆排到埋去時，好似遇到少少困難，原來部售票機唔收AE，我哋張VISA又無
( 戰地買車飛@哥本哈根 )
( 1張4 Zone Day Pass要DKK80 )
由機場去酒店，要先搭火車，坐2個站去到Orestad St.，上2層扶手電梯，轉坐Metro，之後再坐1個站去Bella Centre St.，再行多5分鐘就到達酒店。
（第一個轉車站：Orestad火車站，上去後面條電梯就
當我哋剛剛到達Metro月台時，有架車剛剛埋站，我
只係5秒鐘吧，要上車嘅上車，要落車嘅落車，然後就閂門開車！雖然呢個站無乜人，但係都唔洗趕成咁呀fa～～比呢班車搞一搞，我哋即刻緊張晒，下一班車未到前
趁仲有3分鐘時間，Selfie一下先。
（Selfie at Orestad Metro Station）
（Selfie多張，跟住就滾水淥腳咁上車）
終於平安地上到車嘞，可以鬆番一口氣～～原來，「戰地」+「好趕」=哥本哈根，真係見識少！呢個第一印象真係正到無朋友呀！
上咗呢架無人駕駛列車後，車頭嘅大玻璃位竟然有兩排櫈，仲要無人坐，換轉喺香港出現呢排空位的話，無論大人細佬都好，肯定個個爭住坐，而且仲嘈足全程呀！其實我哋都想坐埋去，不過攞住兩個喼，費事迫埋去啦，留番下次先啦。
（呢度都係無人駕駛嘅，而且唔會有成村人爭個車頭位）
由車站去到酒店都係5分鐘左右，好快趣就check-in咗，因為我哋會住2晚，所以個reception姐姐比咗4張早餐飛我哋，仲同我哋講聽朝可以上23樓食早餐，但係張早餐飛係寫一樓嘅，咁奇怪嘅？當時都無乜點理，總之聽朝上23樓食早餐啦！
上到房之後，放低行李，小休一陣就出街兼食嘢。
（酒店房嘅景色）
（酒店房間）
（酒店房間）
今朝喺機場食咗個唔太飽嘅早餐之後，就再無食過嘢，所以家陣都幾肚餓，我哋唔想四圍搵嘢食，所以就決定喺Lobby食嘢，睇睇menu，我就叫咗個漢堡包，老婆就叫個炸魚薯條，再加多杯ginger ale兩份飲，漢堡包幾好味，但係個炸魚薯條就好咸。
（好味漢堡包）
（好咸嘅炸魚薯條）
食飽之後就出去行街，可惜落雨，唔理咁多，照出市中心行啦，或者出到去停雨呢～
去到市中心後，我哋見到有個Visitor Center，根據Google map資料，當時已經閂咗門，但係我哋一樣行去門口，點知見到仲有人出入，唔通仲未閂門？
當我哋推門入到嘅時候，就見到……👇👇
（見有人入Visitor Center，以為未閂門，點知……）
真係閂咗門……咁點解d人又可以出入呢？原來Visitor Center嘅另一邊係Coffee Shop，d人入嚟係一邊飲咖啡，一邊避雨同取暖，只係我哋諗多咗吧……
出番嚟再搵地方行吧，路過一間小型超級市場，隔住玻璃見到好多藍罐曲奇，咁就入去睇吓先啦，順便都避下雨～～
（朝聖：丹麥屋藍罐曲奇）
睇睇價錢，都幾抵買，罐面有唔同嘅景點，美人魚就一定有啦，仲有新港同埋安徒生，不過都係唔買住，一陣行完街番嚟先買，反正一陣都要行番嚟附近搭車嘛。
我哋經過中央車站時，走咗入去睇吓買車飛去Malmo嘅情況先，喺中央車站可以去counter買飛，亦都可以自助售票，而自助售票機就有2款，一款係紅色，另一款係綠色，兩者都可以買到飛，只不過係由丹麥定係瑞典國鐵營運吧。我哋搵咗部機篤一篤先，班次無變，同之前上網睇到嘅一樣，咁就可以放心嘞！
（後日去Malmo，睇定車費同時間先）
之前上網睇過，由Copenhagen去Malmo係可以坐火車或者搭巴士，我哋都15 16咗好耐，究竟係坐火車定係搭巴士呢？網上大部分嘅評價都係話搭巴士好，因為風景靚，如果遇著日落的話，更加係正到無朋友，而坐火車唔係唔好，方便快捷，唔會塞車。
但係事情就係咁巧合：
- 我哋只係路過呢個地方，就比我哋搵到呢架去Malmo嘅999號巴士；
- 我哋只係見到好多人都攞住行李落車，就比我哋搵到呢個巴士站；
- 我哋只係好多事咁望多2眼，就比我哋見到架巴士係咩樣；
呢個真係一個十分之好嘅收穫。
不過見到呢架巴士之後，我哋即時打消咗坐巴士去Malmo嘅念頭，就算Trip Advisor嘅留言講到點正都好，我哋都係決定坐火車！你睇吓，地方有限，地方淺窄，要攞住行李上幾級樓梯，仲要可能係中途站上車，真係好多未知之數……
不過咁，如果你係即日來回，或者帶輕便行李的話，係可以考慮搭巴士嘅，我哋咁多顧慮，係因為我哋攞住兩個喼吧。
（唔坐火車去Malmo，可以坐巴士去，路線號碼係999
人哋話Georg Jensen係丹麥名牌，咁啱喺步行街有一間，咁就行過去睇睇啦，淨係喺門口望一望，已經唔想入去行，雖然我知道係名師設計，但係觀乎產品嘅實用性、大小同價錢，坦白講，我未去到識欣賞嘅階段，實在唔會用咁多錢去買幾隻羹同叉嚟「供奉」。
最後舊地重遊，建力士世界紀錄大全博物館，幾年前，跟團行經呢度，喺門口影張相就走，今日，可以行入少少睇吓，原來售票處對面，有個整個紀念銀仔嘅機，咁就比錢整番個啦！
（整咗個健力士紀念銀仔）
博物館門前個高人仲喺度，5年前我喺度影過相，到今日，又影番張相先，兩張相比較一下，原來5年過去，大家都都無高過，佢依然咁高，我依然咁「矮」，哈哈～～
右邊：2012年影
左邊：2017年影
（5年過去，大家都無乜點變吖~~ ）
行晒成條步行街之後，都無乜嘢好買，算啦唔好浪費時間喺度，番轉頭去番剛才有曲奇餅賣嘅超級市場買嘢，然之後就食飯慶祝我哋結婚10週年，當時都無乜idea食乜慶祝，諗住見到乜就食乜吧，行吓行吓就去到超級市場，喺入面兜咗幾個圈之後，我哋決定為呢個10週年搞搞新意思，就喺呢度買嘢番酒店慶祝，暫時唔講買咗乜，陣間先開估，總之買齊晒嘢就番酒店。
由於當時係復活節，所以Tivoli都有好多復活節嘅裝飾，當你留心d睇嘅時候，就會覺得有d奇怪，復活節用蛋嚟代表生命，我明白，但係隻兔仔破蛋而出就好似唔太合理，兔仔幾時由胎生變咗做卵生？還是佢係一隻新生物，叫做寄居兔？
（Easter at Tivoli）
路過一間7仔，點解個招牌係綠色嘅？
（綠柒？）
番到去Bella Centre St.嘅時候，見到好多「免費」單車泊晒喺度，當我仲以為哥本哈根嘅單車係免費嘅時候，原來時代已經轉變咗，呢度嘅單車已經唔再免費，不過好
（不再免費嘅哥本哈根單車）
番到上房之後，就要食番餐慶祝結婚10週年，亦都係時候開估，究竟剛才喺超級市場買咗乜，答案就就係：
- 2個哥本哈根嘅合味道杯麵
- 1枝小香檳
錫婚快樂 Happy Tin Wedding，感謝上帝，感謝老婆，感謝家人朋友。
（Cheers, happy anniversary）
（錫婚快樂 Happy Tin Wedding）
結婚週年嘅晚餐竟然係食杯麵，有無搞錯！！
無搞錯，呢個安排係我哋一齊諗嘅，以往都係去d高級餐廳食，當比自己一個藉口去豪一次，其實食咩都好，都係形式上嘅嘢，山珍海味也好，清茶淡飯也好，目的都係飽肚吧；
而更重要嘅就係身邊呢個人，由相識、拍拖、結婚，到今日，都不離不棄咁陪咗自己咁多年，有笑有淚，有高低起跌，彼此分享生命中嘅一切，呢一切，比任何形式更重要。
執子之手，與子偕老。
留言列表
