松此放眼看世界

假如聽日就要離開呢個世界，你會認為自己嘅人生係賺咗定蝕咗？開心定唔開心呢？

我會覺得每個人嘅人生都係賺咗同埋係開心嘅，因為個個人都係赤身咁o黎，亦都係赤身咁離開，而喺2次赤身嘅中間所發生嘅事，無論好定唔好，都係我哋嘅一份經驗，總之就係由無變有啦。

又或者咁講，每個人嘅出生都係一張白紙，而每個人o黎到呢個世界之前，都會獲發派唔同數量嘅顏色筆，有人會得一枝黑筆，有人可能會有10種唔同嘅顏色筆，甚至更多，數量多少唔係問題，重點係你點用呢d有限嘅筆，去畫呢一幅畫。黑白畫一定無彩色畫咁靚嗎？咁又唔一定，係視乎畫嗰個人點用佢嘅畫筆，去令呢一幅畫變得精彩。

但係點先至叫做精彩呢？我覺得係睇你點欣賞吧，所以精唔精彩，係好主觀嘅，自己嘅人生自己覺得精彩，就已經足夠。打個比喻，畢卡索嘅抽象畫同一個小朋友所畫嘅『我們這一家』，你話邊個d畫靚d吖？一個收藏家同一個爸爸都會有唔同嘅價值觀，所以唔會有絕對嘅答案。

其實點講都好啦，我覺得人生呢樣嘢，唔係在乎你一生得到幾多，而係你對自己所擁有嘅嘢知唔知足。有幾句幾有意思嘅說話想同大家分享下，有時間就dap下啦~~~

1)      要為你所擁有嘅而感恩，唔好為你無嘅而埋怨。

2)      比上不足時，比下又會唔會有餘呢？

3)      知足者，貧亦樂。

4)      成功須苦幹，但苦幹唔代表會成功。

5)      我赤身出於母胎，也必赤身歸回，賞賜的是耶和華，收取的也是耶和華，耶和華的名是應當稱頌的。﹝約伯記1：21﹞

6)      難道我們從神手裡得福，不也受禍麼。﹝約伯記2：10﹞