Yahoo Blog摺咗之後,大家去咗邊度呢?我想話比大家知,兜兜轉轉之下,我去咗痞容邦,而今日就係開張之日,歡迎大家光臨!
當我知道Yahoo Blog要摺時,我第一個諗到嘅就係痞客邦,但係好快就打消呢個念頭,原因就係痞客邦唔Support Yahoo Blog Backup,而其他Blog就Support,分別在於咩呢?如果有個地方Support Yahoo Blog Backup,咁樣我就可以好輕鬆『Sir』晒以前嘅舊文章過去,最多都係執番好個Format同埋執靚個版面,咁就可以開張大吉。
相反,痞客邦就唔Support Yahoo Blog Backup,如果我用佢,我除咗要執靚個版面之外,我仲要重新Copy & paste所有文章,包括揀番晒所有用文章內出現過嘅相,比你揀,你一定唔會揀後者吧!
但係我發現到一樣嘢,當我隨意輸入一D旅遊境點時,痞客邦嘅出現率係比其他網站多D,所以,我相信應該有好多人都喺呢度分享旅遊心得,而呢一個Point就正正係我想要嘅嘢,就係咁,我決定去痞客邦落腳。
CK Lam 發表在 痞客邦 留言(0) 人氣()
好多謝各方好友支持,小弟個blog有幸榮登yahoo人氣精選blog,雖然只佔一角,毫不起眼;但係嗰碟蔥油雞實在太搶眼﹝對於我o黎講﹞,所以我一定要bookmark呢個時刻。
不過,呢一刻都幾矛盾,因為個西歐之旅今年﹝2011年﹞3月已經去完,到今日,已經11月,我只係寫到第4日,睇o黎要比心機寫埋落去先得。
唔怪得呢幾日有好多唔認識嘅人『關注』我啦~~ XDD
CK Lam 發表在 痞客邦 留言(0) 人氣()
執筆之時,外父已經回了天家,而呢一篇BLOG又已經打咗一半,既然已經打咗咁多,而且又我嘅真實嘅感受,咁就應該比佢見下人啦,所以,我照舊「出街」。
外父過身前寫的
我好辛苦,老婆同工人更辛苦,精神壓力好大,身體疲累不在話下,休息唔夠,好夜先食飯又好早起身,因為要同甜叔叔喺床上移位,照顧佢其他需要,大家都已經搞到腰酸背痛,肌肉疼痛,我哋好想take a break,但係唔可以,老婆同工人係指定「妹仔」,要全天候招呼佢,因著老婆嘅關係,我都會陪佢哋一齊。
一朝早6點未夠,老婆同工人已經要起身梳洗同整早餐比佢食,之後就去醫院同佢梳洗,大約8點,老婆就番工,工人就繼續陪佢。聽工人講,甜叔叔喺日頭嘅時間會有好多要求,一時一樣,咁又唔得咁又唔係,總之就舞到工人一頭煙,由於,甜叔叔個肚好漲,個人已經夠重,再加上佢又放軟晒個人,已經係重上加重,唔好講工人一個人扶佢,我哋3個一齊都好吃力!一直到黃昏時段,老婆大約6:30左右到達,我就7點,一到達就係扶佢上便車,轉櫈坐、移位、食藥、按摩……一直到9:30,我哋先可以走。如果夠好彩,門口有的士的話,我哋就可以快d去香港仔食飯,否則,要行10幾分鐘去番香港仔隧道口等巴士,食飽番到屋企已經差不多11點,小休一陣再沖埋涼都已經12點幾,第二朝又重覆……
CK Lam 發表在 痞客邦 留言(0) 人氣()
其實,我真的不太明白,做朋友是雙向的,對吧!為何我有時會覺得自己在吃虧呢?
昨天,我回想到這數年間的人和事,我發覺原來我對一些人及事是有期望的,每每當這份期望落空時,我就會不自覺地慢慢退出那個關係網。
比較明顯的就是我以前的教會,當我籌備結婚和岳父過身這兩件事中,我都期望著他們會為我出一點心意,就以我的婚禮來說吧,我明白,我不再是你們的會友,﹝只是轉了教會數個月吧!﹞但說到底,都是朋友一場吧,除了靠人情牌找到幾個兄弟幫手外,其餘一概被拒於門外,就是一句教會細資源不足……
事隔數年,岳父過身了,我沒理由要人家幫我手做事情吧,所以send了個sms給幾個舊教會朋友,期望他們會在追思夜或安息禮拜出現,見個面,互相關心一下,我想的就是這樣;但最後,只有一個朋友給我幾個sms的問候,就是那麼多了。雖然,你們不認識我岳父,但你們是認識我和太太吧,難道在這些時候,抽一點時間見個面也不能嗎?
CK Lam 發表在 痞客邦 留言(0) 人氣()
喺公司, 我養咗一缸魚毛仔,對於我o黎講,養呢缸魚真係有d難度,因為我用慣2呎或以上嘅魚缸養魚,有晒氣泵抽水同過濾器,相比家下,只係一缸水,真係有d唔習慣,同時,亦不得不讚嘆「生命」嘅堅韌,喺無氣泵抽水同過濾器嘅情況下,生命一樣可以繼續,仲可以傳宗接代tim,勁!!
每日我番到公司,d魚一見到我就好雀躍咁不停游動,我都知你哋肚餓,等我食埋個早餐就輪到你哋啦~~
CK Lam 發表在 痞客邦 留言(0) 人氣()
今日,回想番初初出o黎做嘢時嘅生活,再同而家嘅生活比較下,原來,我自己嘅生活、思想、喜好等,已經有好大嘅分別。
從前,我鐘意熱鬧,一放假就最好由早到晚安排好所有活動,總之就唔好比佢停,玩個痛快,屋企就只係酒店吧!從來唔會諗將來嘅事,包括自己、屋企人以及身邊嘅朋友,諗完就唔想做,做做下又會放棄,放棄咗又好似對唔住人,再o黎過,又好似力不從心,一句講晒,懶!!
當我經歷過人生嘅挫折時,人就變得理性咗少少,失戀啦、失業啦、親人離世啦、比朋友出賣啦、工作上嘅挫折啦……好多好多,其實,呢個世界日日都發生緊呢d事,有乜咁大不了,只不過係睇下幾時燒到自己身上。
CK Lam 發表在 痞客邦 留言(0) 人氣()
菲律賓港人遇害事件,就電視台及報章好多嘅報導,大家都感到好難過,好悲傷,雖然,遇見嘅唔係自己親人,但係睇見人哋屋企人面對呢個突變都好傷心。從電視報導睇到梁太嘅表達,其中佢話到見到丈夫為阻擋槍手開槍而犧牲性命時,佢都好想跟埋丈夫一齊死,但一想到家中嘅孩子時,就要好好咁保護自己,因為佢仲要照顧d仔女,佢暫時唔會番香港,佢要等埋個仔一齊番……
我睇完之後好感動,而且都勾起我嘅思緒,究竟我為誰而活?
當我想到梁太未來嘅生活時,我真係好感受到嗰種茫茫然,唔知點樣生活先好,生活習慣、起居飲食、心靈寄託、精神支柱……就係咁,我要好好咁生活落去,要愛錫自己,唔好叫人擔心,唔好叫心靈上同我聯繫住嘅人傷心,因為我唔係一個個體咁簡單,我要好好咁愛身邊嘅人,珍惜我身邊所有嘅人。
我愛你哋
CK Lam 發表在 痞客邦 留言(0) 人氣()
睇完菲律賓事件之後,個心好唔舒服,成棚人圍住部車10個鐘都做唔到野,最後都係流血收場,悲……
無錯,我為呢件事真係好嬲,當晚我由7點半睇到9點,睇住D所謂『特種部隊』包圍部旅遊巴,老鼠拉龜咁,菲律賓警察係咪真係咁「YAP」呀!幾10人喺度等個爛鬼鎚爆窗,菲律賓真係窮到連買多個鎚都無?危急處理竟然係用『正門出入』,真係守規舉!
好感恩,當我好燥嘅時候,為著呢件事不斷咁數菲律賓警察時,有人提醒我『火,但唔好讓它生根,“申冤在我,我必報應”呀!』,我當時「疾」咗一下,當諗深一層嘅時候,我火都o黎埋又點?用盡「一切方法」去制裁菲律賓政府同d警察又點?我哋嘅做法同個槍手又有咩分別呢?
當我想到死者嘅屋企人時,我覺得佢哋真係好難去面對之後嘅生活。就我自己而言,要接受同面對家人嘅離開係唔容易,因為我都經歷緊,但係佢哋呢?要接受由5變2,由4變2嘅突變,真係好難去面對,重整生活已經夠難,仲要比d死纏爛打嘅記者不斷追問,生活真係難上加難及困擾。
不如大家都靜落o黎,比大家有個空間,去諗下點樣面對之後嘅生活啦,唔好再問d死傷者嘅家屬『你會點樣面對之後嘅生活呀?』比著係你,你答到嗎?
CK Lam 發表在 痞客邦 留言(0) 人氣()
今日睇報紙見到一則新聞,電車車長比人加長工時,但車長話錢係搵多咗,但係自己嘅時間就少咗,而且錢係唔會搵得晒嘅,所以佢情願用多d時間陪屋企人。
睇完之後,我好有同感。曾幾何時,我份工可以朝9晚12,又試過朝8晚10,仲要係無加班津貼,當時,我已經問自己,做咁多為乜?呢個社會已經好少會再有有人情味嘅公司,人,只係公司嘅用具,而非資產,請一個人就好似搵手提電話公司一樣,質素已經assume係最好,所以價錢就變得好重要,就係因為唔肯減dd錢就已經可以搵過第2個;炒一個人更加容易,就好似掉一張draft paper一樣,只不過要講掂數 – 自己走定賠錢走,呢樣嘢我好明白。
CK Lam 發表在 痞客邦 留言(0) 人氣()
唔知大家有無試過,當面對一d在「常理」而言,已經係不變嘅事實,但偏偏自己唔想係咁樣發生,所以就運用「信心」祈禱及面對呢?我唔係想嘲笑呢類人,只因我自己有時都係咁。
其實每個人生活喺呢個世界上,就要跟住呢個世界上嘅或然率(probability – 簡稱 P)生活,一般人如果唔係想改變一D野的話,都唔會走得出呢個P。就以出生率o黎講,一般都係懷胎十月,即係1月行埋,10月就有小朋友出世,咁可唔可以8月就出世呢?可以!搵醫生幫手咪得lor,剖腹產子、氧氣箱、產後更多更全面嘅護理……無話唔得!係咪每一件事都可以用錢去改變呢?
奧運開幕唔想落雨,領導人可以同各部門安排,射粒唔知咩彈上個天,咁就唔落雨啦;換轉喺今日,你想郊遊又唔想落雨,可以點?天文台都講到明會落足一個禮拜雨,仲有狂風雷暴tim,你又搵領導人幫手?佢睬你都傻啦~~又無錢又無人幫手,咪祈禱lor~~
通常,祈禱嘅人都希望唔會落雨,期望會有個exceptional case出現,誇張d講,就梗係由自己出門口嗰一刻開始,直至郊遊完畢,沿路都唔好有雨,咁就very good啦~~
好,去到呢度,就係我今次嘅重點,你覺得祈禱嘅人矛唔矛盾呢?
CK Lam 發表在 痞客邦 留言(0) 人氣()
假如聽日就要離開呢個世界,你會認為自己嘅人生係賺咗定蝕咗?開心定唔開心呢?
我會覺得每個人嘅人生都係賺咗同埋係開心嘅,因為個個人都係赤身咁o黎,亦都係赤身咁離開,而喺2次赤身嘅中間所發生嘅事,無論好定唔好,都係我哋嘅一份經驗,總之就係由無變有啦。
又或者咁講,每個人嘅出生都係一張白紙,而每個人o黎到呢個世界之前,都會獲發派唔同數量嘅顏色筆,有人會得一枝黑筆,有人可能會有10種唔同嘅顏色筆,甚至更多,數量多少唔係問題,重點係你點用呢d有限嘅筆,去畫呢一幅畫。黑白畫一定無彩色畫咁靚嗎?咁又唔一定,係視乎畫嗰個人點用佢嘅畫筆,去令呢一幅畫變得精彩。
但係點先至叫做精彩呢?我覺得係睇你點欣賞吧,所以精唔精彩,係好主觀嘅,自己嘅人生自己覺得精彩,就已經足夠。打個比喻,畢卡索嘅抽象畫同一個小朋友所畫嘅『我們這一家』,你話邊個d畫靚d吖?一個收藏家同一個爸爸都會有唔同嘅價值觀,所以唔會有絕對嘅答案。
CK Lam 發表在 痞客邦 留言(0) 人氣()
自外父被發現有癌病後,生活上,大家都要有好多嘅適應。
對於外父o黎講,癌病可能係一個超大嘅噩耗,好難去接受;而我哋呢?叫做經歷過一次,但係唔同人面對同一件事時,又係另一件新事。
睇見外父做完化療後嘅副作用,真係深深感受到咩叫「愛莫能助」。佢食唔到嘢、訓唔到覺、係咁咳、無心機、好多擔憂……我哋都幫唔到d乜,太太就做咗個無牌「住家護士」,幫外父打針分藥量血壓度血糖……工人就幫下手清潔下個屋企,而我就同佢傾下計咁lor~~
其實,有時我哋都好無奈,佢嘅痛同唔舒服,我哋只係知道,但係就唔能夠為佢分擔到少少,做到嘅就只係陪住佢,想做多d幫佢減輕下d唔舒服,但係又好似無乜辦法,唉~~
我知道呢個世界上有好多同路人,就讓大家互相鼓勵同支持。
『路是難走,但總是要走下去。來吧,我們一起走,我們並不孤單,因為有你有我有上帝同行。』
CK Lam 發表在 痞客邦 留言(0) 人氣()
呢份就係我嘅早餐,2片方包,一邊係牛油一邊係花生醬,一夾埋,就係一份好好味嘅早餐,基本上,喺番工嘅日子就會係咁樣呢。
之前,我會去大家樂呀大快活呀食早餐,不過之後比我知道咗,原來公司係有人沖奶茶o架,而呢個姐姐之前係做茶餐廳水吧,所以d秘製奶茶係好好飲嘅,有見及此,我就梗係慳錢至上,買麵包飲公司奶茶,咁就由$17嘅早餐,變做$5.50食2日嘅早餐,你話慳番幾多吖,哈哈~~~~
除咗買方包之外,我仲買咗一盒牛油同一樽花生醬番公司,而且個小雪櫃仲係放喺我個位側邊,你話幾方便呢!
呢一份早餐比我一個懷念,記得細個嘅時候,我哋3兄弟姊妹一個早餐可以食咗2磅方包,即係16塊麵包,如果唔係呀媽喝住,留番4塊比佢同呀婆的話,我哋真係可以食晒o架,嗰陣時就多一個選擇 - 就係落沙糖。2磅方包16塊,扣起4塊,即係仲有12塊,我o地就每人3塊,我o地通常都係一塊上牛油,一塊上花生醬,一塊上沙糖,有時逐塊食,有時就是但夾2塊,甚至一次過3塊夾埋,做成一份名副其實嘅『三文治』,哈哈~~~
所以,每當我攞住呢2塊方包時,我就想起年少時嘅歡樂時光,幾片麵包已經可以令我好滿足,好回味,感謝主。
CK Lam 發表在 痞客邦 留言(0) 人氣()
撥款已經通過咗,係一個不變嘅事實,做市民嘅仲可以點?我相信一個地方要發展嘅話,係一定要有付出,包括土地上、金錢上及人民上。
坦白講,我係讚成起高鐵嘅,不過係咪真係要動用到669億呢?我就認為可以少d就最好啦,話晒669億係一個天文數字,用我哋打工仔唔少血汗換番o黎o架!
有一日夜晚,我路經立法會附近,見到一班人開『嘉年華會』,但當時我唔知發生咩事,只係知道好嘈好多人,為避免麻煩,我都係行開d好,番到屋企睇新聞先至知道,係第一次反高鐵人士集會,看罷,我就已經知道無論點嘈都好,個撥款一定通過。當上星期第二次會議後,都正如我所講,實通過啦,之不過,我無諗過呢班反高鐵人士會咁激。
圍堵立法會、阻止議員離開、擺街封路兼扎營、衝擊警方防線、搶奪鐵馬……我唔係想一面倒話嗰班人唔啱,而係理性少少去諗下呢件事,做完咁多呢d事之後,會對徹回撥款一事有幫助嗎?
CK Lam 發表在 痞客邦 留言(0) 人氣()
近日新聞中,有唔少警民衝突嘅畫面,我唔會否定市民所爭取嘅事,不過行為上我就唔會認同。
1000警察佈防有乜問題?人o地有備而戰就叫做挑釁?唔通只係企幾個PC仔守門口,等你班人一窩蜂沖入去最好?
我唔係好明,點解香港地飽讀詩書嘅人咁多,但係做事就可以咁無癲!在我眼中,呢個情況似乜呢?就好似d小朋友扭計要買玩具,父母唔買,小朋友就發老爛搞破壞,到父母出手打,要控制場面時,d小朋友又會話父母唔o錫佢o地,父母同你講道理時,你就掩耳不聞,咁即係點?
大家唔細啦,仲玩埋d兒戲o野,可唔可以做番個正常人,做番d正常事,用公平同理性去處理d事呢?就算比你o地拆o左政府總部同個中聯辨又點,剷平個香港吖好無?你要爭取嘅嘢會得到咩?
睇見呢個現況真係好心痛,不如平心靜氣去處理d事啦!
CK Lam 發表在 痞客邦 留言(0) 人氣()
近日,聽得多亦感受得多,好唔鐘意d人係唔係都嘈o左先,一切由主觀開始。
就好似電視所講嘅5區總辭,我覺得有d幼稚,一句『為民請命』就要迫政府交個普選時間表,比唔到嗎?我咪唔玩lor~~我自己嘅見解就係『香港仲未適合行普選』。
好簡單講句,係人都知道呢個世界係唔會有一個方法,或者一個做法係可以fit晒全世界人,每次政府有o野推出時,就會有一班人去嘈政府,話佢無照顧d弱勢社群,當然,我有時亦認同政府未係好全面咁顧及大部份人,不過,可唔可以好似高鐵事件d反對者咁呢?我band得政府個方案,我就要推返一個方案比人睇下,如果唔係,咪就係家下d政客所講嘅『為反對而反對』lor!
同樣,屋企都係一樣,其實,家務呢樣o野唔難亦唔易做,所以,我嘅睇法就係『做到咪得lor』。不過,有人唔認同,可能我無佢咁高要求啦!
CK Lam 發表在 痞客邦 留言(0) 人氣()
近呢2個月,身體及精神都比較疲累,全因為要工作以及要照顧外父嘅病,所以好多時都推晒所有約會,否則,老婆會更辛苦。
呢排,外父心情比較波動,可能係個病啦,其實我都幾明白佢嘅苦況,一方面有個cancer要對付,即係要整好個身體先可以同佢打過;同樣,佢又有個類風濕關節炎要對付,想醫好佢,就要壓抑個免疫系統,否則佢會周身骨痛。正正係因為呢2個病係對立嘅,我o地又可以點吖?如果想要番條命,就要接受周身骨痛,因為要保住個免疫系統先有得做化療;唔通我o地選擇唔想周身骨痛而唔要條命咩?就係咁,好多時佢都好燥,有dd唔o岩心水唔滿意嘅地方時,佢都會講一d好難聽嘅說話,我o地兩公婆只好默然忍受……
CK Lam 發表在 痞客邦 留言(0) 人氣()
來到中環工作已經一個月了,說到吃午飯,真是很頭痛,四處都是那麼多人,想坐下吃一頓安樂茶飯也不容易,所以,很多時我都是買外賣回公司吃的。
今天,依舊的四處走走看,想找一家吃light lunch的地方,終於給我找到了,正在門口挑選外賣時,在店內有位女士﹝客人﹞不斷向我招手,因為玻璃門反光的關係,我不大看得清楚那人是誰,但是我可以認得出是很久之前的一位舊同事。
一坐下之後,大家都好像很認識對方似的,好笑的就是我倆都忘記了對方叫什麼名字,哈哈~~~再問之下,她就在我隔離的大廈工作,而吃飯時間亦相近,所以,我們都可以再一起吃午飯,真是他鄉遇故知啊~~
言談間得知,他已經來了中環差不多兩年了,而我卻是『初來步到』,但問到她通常在哪吃飯時,她總是說不出街名,就是說在某某店附近的什麼餐廳,原來她從不會記著街名,所以永遠都說不出在哪,哈哈~~
這次的會面令我很開心,有一份很喜悅以及久別重逢的感覺,雖然,我倆不太認識對方,但是這次的會面,好像破除了很多的不認識一樣,當我告訴她我近年來的工作生涯時,她都為著我的遭遇而感恩,坦白的說,Thanks Lord, Jesus.希望有機會介紹耶穌給她認識吧。
CK Lam 發表在 痞客邦 留言(0) 人氣()
2009年5月8日,我已經失業38日了,意志有點消沈,心裡有好多不滿及怨屈,我唔想再屈喺屋企,我要出去行下,一解我嘅苦悶,我要同神呻下我嘅感受。
起咗身之後見無乜嘢做,又無工見,咁就出去同太太食個lunch,之後就去中環閒逛。我原先個plan係先去中環有蓋行人天橋,一路行上去,行到邊影到邊,夠鐘就落番國金坐van仔上山頂睇日落,點知起步無耐就炒粉,相機故障﹝其實係無電!﹞再加上有一段天橋維修,所以就去到羅便臣道就轉咗去西摩道,再行去上環,無咗相機咪用電話﹝LG990﹞lor~~
當我行行下嘅時候,我見到卑利街有一棵好搞笑嘅樹,佢從牆壁生出o黎,唔知大風d會唔會斷呢?下次打完風就上o黎睇下先 ^^
﹝卑利街的樹﹞
當我沿西摩道行嘅時候,我見到一條街叫磅巷,覺得個名幾得意,咁咪影咗佢lor~~
CK Lam 發表在 痞客邦 留言(0) 人氣()
失業後的第50日,神為我預備了一份工作,經歷了這麼多,不得不和大家分享一下。
5月18日晚上,我依舊的參加逢星期一的聚會,之前,有人邀請我分享一下自己的現況,以鼓勵身邊的同行者。我沒有推卻別人,但心裡已經想到,我這個失業漢還有什麼可鼓勵人呢?或是,為我找份工作不是更好嗎?
當晚,我自稱為一個五失的人:
失去信心,
失去方向,
失去價值,
失去工作,
以及久不久的失眠。
我訴說著我的故事,為何一個充滿活力的呀松,會有這樣的境況。即場已經有不少人送上鼓勵及祝福,亦都有人為我祈禱,之後,更加有人說想招聘我;我感到很安慰,因為,神真的在四周看顧著我,我的好處不在他以外。
CK Lam 發表在 痞客邦 留言(0) 人氣()