close
菲律賓港人遇害事件，就電視台及報章好多嘅報導，大家都感到好難過，好悲傷，雖然，遇見嘅唔係自己親人，但係睇見人哋屋企人面對呢個突變都好傷心。從電視報導睇到梁太嘅表達，其中佢話到見到丈夫為阻擋槍手開槍而犧牲性命時，佢都好想跟埋丈夫一齊死，但一想到家中嘅孩子時，就要好好咁保護自己，因為佢仲要照顧d仔女，佢暫時唔會番香港，佢要等埋個仔一齊番……
我睇完之後好感動，而且都勾起我嘅思緒，究竟我為誰而活？
當我想到梁太未來嘅生活時，我真係好感受到嗰種茫茫然，唔知點樣生活先好，生活習慣、起居飲食、心靈寄託、精神支柱……就係咁，我要好好咁生活落去，要愛錫自己，唔好叫人擔心，唔好叫心靈上同我聯繫住嘅人傷心，因為我唔係一個個體咁簡單，我要好好咁愛身邊嘅人，珍惜我身邊所有嘅人。
我愛你哋
全站熱搜
留言列表
