松此放眼看世界

﹝2010年11月28日﹞

國際通 > 那霸空港 > 香港

架旅遊巴都未轉到見到國際通，就已經有啲阻滯，停咗喺度行唔到；個領隊就同我哋講，原來今日國際通會劃成行人專用區，只有限定車輛能夠駛入，而我哋架旅遊巴呢，就要兜落下一條街，再轉番入去，咁我哋就可以喺條橫街度落車喎，不過依家呢……連下一條街都未去得到，就已經塞住咗喺度……冇辦法啦，唯有落車喺老遠行入國際通囉！

沿路見到果啲『限定車輛』原來都幾得意喎，有觀光的士，又有卡通巴士，不過好似收費都唔平㗎~~

﹝行人專用區 +『限定車輛』@國際通﹞

﹝2010年11月28日﹞

首里城 > 波之上神宮 > 孔子廟 > 泊港

今日係我哋沖繩之旅嘅最後一日，亦都係坐車最少嘅一日，只係喺那霸市內觀光唧，不過坐車少咪即係行得多，再者，喺之前都講過，我哋仲有好多地方想去、好多嘢要買，團友又加咗自費活動，要搭黃昏機返香港，唔趕到嘔至奇！

一大早執好行李，食完早餐就離開酒店，架旅遊巴兜咗兩個圈，就到今日第一個景點 -- 首里城﹝古代琉球王國嘅皇宮﹞，我哋嚟呢度係有個極高難道嘅任務，就係要幫個朋友『cup』晒張蓋印表上面嘅印同換份紀念品，因為首里城呢度有個紀念章收集活動嘅遊戲，朋友話如果『cup』得齊十幾個印，就可以喺出口度換禮物喎，佢仲比埋張首里城地圖同蓋印表我哋 tim……點之都未入到瑞泉門，就發現原來張蓋印表 revised咗，要『cup』嘅印已經由十幾個增加到廿四個 lu~~ 即係我哋完成任務嘅難度又增加咗啦，而且我哋逗留喺度嘅時間就只得一個鐘，簡直 mission impossible！

﹝由停車場進入首里城嘅第一度門 -- 瑞泉門﹞

牧志 Station Hotel > 海洋博水族館 > Fruitsland > 名護菠蘿園 > 萬座毛 > 嘉手納美軍基地展望台 > 北谷美國村 > 國際通

有睇過『戀戰沖繩』嘅都應該知道我哋已經到咗萬座毛嘞！至於點解呢度叫做『萬座毛』，聽領隊話就好似係可以坐一萬人嘅草地嘅意思，而『毛』就即係草喎……其實嚴格嚟講，我哋唔係去咗萬座毛，而係遠觀萬座毛喞，只要沿住舖設好嘅行人路向前行，就可以欣賞到因海浪長年侵蝕而形成嘅象鼻懸崖，唔知會唔會有朝一日個鼻蝕甩咗呢？

﹝萬座毛嘅鼻﹞

﹝2010年11月27日﹞

牧志 Station Hotel > 海洋博水族館 > Fruitsland > 名護菠蘿園 > 萬座毛 > 嘉手納美軍基地展望台 > 北谷美國村 > 國際通

由於2b行程太豐富，之前都冇介紹過呢間酒店。其實呢間酒店外表冇乜特別，簡單嚟講，佢嘅好處係地點方便，位於國際通內；但係我諗佢最大嘅特色，就係位於10樓嘅餐廳，大大嘅玻璃窗，高雅嘅設計，雖然面積唔大，但係比人感覺好寬敞、好舒服……

﹝10樓餐廳@牧志 Station Hotel﹞

﹝2010年11月26日﹞

知念岬 > 齋場御嶽 > 旭橋 > 那霸空港駅 > 赤嶺駅 > 牧志

經過個多鐘頭嘅車程，我哋終於嚟到知念 lu~~ 而我哋今日喺呢度嘅景點就係相中指示牌上嘅『知念岬』，同埋『齋場御嶽』。知念岬其實係個公園，上網睇過個景好靚，有塊好大嘅草坪，同埋面向好大個海洋咁啦；至於齋場御嶽，就係個文化遺產，是古時琉球王國用嚟祭天嘅地方。

未行落知念岬之前，首先過對面馬路，睇吓回程巴士幾點經過，因為走咗班車，分分鐘要等一個鐘頭以上 ~~ 好恐怖㗎！

﹝知念海洋レジャーセンター前巴士站﹞

﹝2010年11月26日﹞

奧武山公園駅 > 舊海軍司令部壕 > 旭橋駅

食飽飽後，我哋就搭單軌火車到奧武山公園駅，原本係諗住轉巴士去舊海軍司令部壕，但係諗諗吓，行去都係25分鐘嘅路程，不如行吓當散步咪仲好。不過好好笑，我哋一落到地面就已經行錯方向，好在行咗幾步就發現點解我哋頭頂會係單軌火車條路軌嘅？莫非我哋想行去下個站？

﹝奧武山公園駅﹞

﹝2010年11月26日﹞

系滿Southern Beach Hotel & Resort > 美美沙灘 > 比嘉酒造 > 系滿Southern Beach Hotel & Resort > 那霸市自助牛肉飯店午餐

今日係好緊張刺激嘅一日，有睇前傳嘅朋友就知道我哋今次嘅行程係有一日自由活動；唔係，係半日至真﹝諗返起都仲有啲激氣﹞！根據行程安排，今朝係應該係喺酒店享用設施，即室內泳池游水之類﹝如果自駕遊嘅團友，早就去咗攞車 lu~~﹞；不過我哋就當然唔會留喺酒店，梗係把握時間四圍行啦；去咗邊？遲少少先講，首先睇吓房間露台嘅無敵海景先啦 ~~

﹝房間露台無敵海景﹞

﹝2010年11月25日﹞

香港 > 沖繩那霸空港 > Ashibinaa Outlet > 系滿Southern Beach Hotel & Resort

今次起行好舒服，早上十一點幾集合，可以食個早餐慢慢爬去機場都得；但係唔知點解，都係早咗去到；唔緊要啦，平日我哋都慣咗喺機場行來行去㗎啦，加上有大哥送機﹝上次去土耳其又有二哥送我哋機﹞，唔怕悶！

上到飛機原本諗住休息吓，點知起機冇耐，就要食午餐，轉頭又問飲乜；之後又要填入境紙，影咗兩張相就已經差不多要落機喇。而呢程機最特別係我哋第一次喺飛機上飲紅、白酒，都幾好飲吖！

﹝美味嘅飛機餐 x 2﹞

哈哈好感恩，為咗清假，我哋又有機會去旅行嘞……本來打算平平地返大陸，反正有少量人仔喺戶口，去到旅行社，又比我哋問到個九百九十九蚊嘅廈門團，超平！幾乎即刻報咗名，好在我哋諗住返屋企上網搵搵資料先決定，睇吓睇吓，行程除咗去土樓係有啲興趣外，其他地方就根本一啲吸引力都冇，仲要餐餐都係食中式團餐，越諗越唔想去，結果又要去過旅行社，問吓有乜四天團喺11月25-28係成團啦﹝因為假期已經定咗﹞。

結果有『重大』發現：所有旅行社嘅沖繩團喺呢四日都話成團喎！價格由3,699-5,xxx不等，但行程大同小異；在日圓高企嘅今時今日，3,699去日本實在超『抵』！最後我哋選擇咗星辰3,999嘅豪華團；點解？一來，多300蚊住到一晚海灘酒店；二來，有張生日coupon喺11月參加星辰東南亞團，可以平200蚊……就係呢種貪小便宜嘅心態下，迷迷糊糊咁就報咗名；點解咁講？請參閱上文第一段第四句起再看一次，平平地的清假團由999-->3,999，『抵』極都係『貴』，又要去銀行買貴Yen﹝報團時匯率1：0.096﹞仲有就係，報咗名先記得我哋11月26要去睇清明上河圖，11月28又要去跑馬拉松……係咪咁啱呀！

算啦，唔報都報咗啦，咁我哋就開始做功課嘞；一方面搜集固有行程嘅資料同不容錯過嘅景點，另一方面，由於個團嘅單張上話有一日係自由活動，我哋梗係將所有想去嘅地方都放晒入果日嘅行程啦，根據巴士路線同地圖上嘅距離，將整日嘅時間fully occupied﹝圖1﹞，咁梗係『瀨嘢』啦！沖繩啲巴士疏到離奇，不定時地個半鐘至兩個鐘先有一班，有條路線仲得上行、冇下行，再者，旅行社都未confirm Day2定Day3係自由活動﹝兩日入住不同酒店，喺不同市出發﹞，點plan呀！！！

﹝圖1：Original Plan of 1-day自由活動﹞