其實要整呢個東歐blog真係幾辛苦,唔係要打好多字,而係要同d相排次序同埋改名。今次我哋一行4人去咗東歐玩8日,3部數碼機加一部菲菻機,合共影咗4000幾張相,之後我收集晒所有card,再過晒落部電腦度,跟住就係痛苦嘅開始~~
先先要開folders,用day 1、day 2去排,然後就將d相放入唔同folder中,分完大folders後,再分細行程,即係用個地點or名勝去分;然後又再放相入去,放完之後就係delete一d無謂/重覆/手震等相,去到呢一部都叫做容易,因為唔洗太花功夫,之後就慘lor~~
之後就係「re-name工程」,因為4部機都會有唔同嘅numbering同prefix,所以re-name得好辛苦,有時以為已經re-name好一個景點,點知做做吓又發現到一d漏網之魚,跟住又要去番之前個folder再re-name過。有朋友同我講「洗唔洗咁認真呀?去完咪算lor。」但係我又唔係咁諗bor。
因為,今日我仲會記得我去過邊度,嗰度叫咩名,但係日子耐咗,好多嘢都會唔記得,最好就係趁今日仲記得嘅時候,盡量做好佢,唔洗等自己唔記得先後悔。而且,我仲發現多一樣嘢,就係整完一次相之後,我對我自己個旅程熟識咗,一見到張相就知道係邊度。
另外一樣開心嘅就係d駁相,都駁得唔錯,我好滿意,下邊幾張就係部份駁相嘅成果,希望你會鐘意啦~~
﹝匈牙利英雄廣場﹞
CK Lam 發表在 痞客邦 留言(0) 人氣()
﹝2008年9月17日下集﹞
玩完搭車遊戲後,就去咗行超級市場,呢間Billa係歐洲都幾出名嘅超級市場,好多嘢賣,入到去都無乜嘢想買,有個朋友就掃咗好多茶包,佢話做手信好wor~~到找數時先醒起,東歐買嘢普遍都唔會派膠袋,所以個朋友就買咗個Billa袋裝佢d戰利品。
﹝Billa﹞
行多一陣就去咗食飯,最後我哋搵咗間巷仔餐廳,個waitress好好,知道我哋會比EURO也好,佢都照對番個價錢比我哋,甚至埋單時,我哋要求比一部份kc,一部份EURO也好,佢都一一照做,太好人了~~~
﹝巷仔餐廳﹞
CK Lam 發表在 痞客邦 留言(0) 人氣()
「各位團友早晨,好快趣又係我哋行程嘅最後一日,今日唔會有指定行程比大家,我會先帶大家乘搭當地嘅交通工具往布拉格市中心,去到之後就會係自由活動,自費午膳,於指定時間集合,然後我哋會出機場,先去倫敦再轉機番香港。」
﹝2008年9月17日上集﹞
多謝晒多謝晒,開心嘅時間過得特別快,又係時候講bye bye,開心咗咁多日,都係時候要番香港lu~~
今朝早一起身就出咗去酒店附近行吓,清早時份天氣稍涼,不過就顯得比較舒服,可能我鐘意涼少少嘅天氣吧。
﹝酒店門口﹞
等緊團友嘅時候我又周圍去影相,點知比我見到碧咸,哈哈~~我又點會放過呢個機會吖!其實佢並唔係英國嗰個碧咸,而係我話嘅東歐碧咸,你睇下佢似唔似?
﹝東歐碧咸﹞
CK Lam 發表在 痞客邦 留言(0) 人氣()
﹝2008年9月16日下集﹞
食飽飽就梗係繼續行啦,我哋行咗好多地方,有行舊城區,睇天文鐘,搵火藥塔,仲有買手信。行舊城區時,見到好幾舖都賣緊d鐵mug仔,好colorful,size又多,睇見到好想買。
﹝賣mug仔的店鋪﹞
其實呢個舊城區都好多嘢睇,又可能身邊一切東西對我o黎講都係新鮮,見到乜都影一餐。
CK Lam 發表在 痞客邦 留言(0) 人氣()
『各位團友早晨,今日同聽日我哋都會以遊覽布拉格為主,今日我哋會去到布拉格嘅城堡區;睇聖維特教堂;行查理四世大橋;然後我會帶大家食午飯,飯後,我哋會睇天文鐘,每逢搭正,我哋可以見到十二門徒出現,而且會有個骷髏骨敲鐘;之後會有一段自由時間比大家,大家可以自由暢遊布拉格市;集合後,我哋會遊船河睇伏爾塔瓦河兩岸景色,船上已經包埋自助餐,團友可以邊吃邊欣賞兩岸風景;之後我哋就會返酒店。』
﹝2008年9月16日上集﹞
「晨早起床,清新開朗,陽光溫暖,帶來無限美……」晨早起床,就真係清新開朗,溫度依然係13°C左右;但係就唔覺得陽光溫暖,可能太陽伯伯怕醜啦,唔知匿埋咗去邊,唉~~
﹝從酒店窗外可以知道天色如何……﹞
CK Lam 發表在 痞客邦 留言(0) 人氣()
『各位團友早晨,今朝早依然落雨,足以證明大家全部都係貴人,哈哈~~陣間我哋會冒雨行呢個古姆洛夫市政廳及舊城區一帶,去到一個較高嘅地方時,大家可以睇晒成個古姆洛夫小鎮,呢個實在係一個好靚嘅地方;之後我哋會去卡羅維法利溫泉區食午餐同遊覽,呢個溫泉區唔同大家去日本韓國嗰種,大家唔洗換衫去浸,因為呢度d溫泉水係飲落肚嘅,呢度嘅溫泉水係帶有藥用療效,大家可以帶定水樽去裝o黎飲,不過大家要小心d,因為唔同泉水會有唔同溫度,如果大家無帶樽都唔洗驚,去到溫泉區之後,大家可以幫趁唔同檔口購買當地特色溫泉杯,揀啱先至買;行完溫泉區之後,我哋會入布拉格,並入住Hotel Wienna。』
﹝2008年9月15日﹞
其實,呢個東歐trip我最期望就係呢一度,最失望都係呢度;無論上旅行社聽講解也好,聽朋友講也好,甚至上網睇都係話呢度係一個好靚嘅地方,去到我都相信係一個好靚嘅地方,只不過差就差在落雨吧。嗰場雨由尋晚落到今日,一心諗住部菲菻機可以盡情地發揮,點知……唉~~~唔好提啦,都係繼續用部數碼機啦。
﹝出門口時影番張相先﹞
CK Lam 發表在 痞客邦 留言(0) 人氣()
﹝2008年9月14日下集﹞
食飽飯後,我哋就去莫札特廣場,唔知係咪d什麼名人廣場特別唔特別呢,就係咁整個紀念像同埋少少裝飾就算,無言……
﹝莫札特廣場﹞
之後就行咗去荷夫堡,呢個荷夫堡都幾大,有個唔知乜乜人曾經打勝仗,就整咗個像記念佢。
﹝荷夫堡﹞
CK Lam 發表在 痞客邦 留言(0) 人氣()
『各位團友早晨,先恭祝大家中秋節快樂,究竟香港個月亮圓d,定係東歐個月亮圓d呢,大家今晚睇完再話我知吖,唔該!
今日我會帶大家去睇地下湖,二次大戰時,希特拉曾經喺呢度製造過戰機,因為打敗仗,所以都係要離開呢度,好多年之後有人掘井時就比人發現咗呢個地下湖;睇完地下湖之後,我哋會去遜布倫宮,又名美泉宮,又稱冬宮,係以前皇帝住嘅地方;跟住我哋就會食飯,今餐會食奧地利豬扒餐,團友可以自費購買當地啤酒族豬扒;食完豬扒後,我哋會行一行莫札特廣場,然後到附近嘅荷夫堡參觀,又稱夏宮,都係以前皇帝住嘅地方;睇完荷夫堡就去百水公寓,又名古怪屋,係以前一位古怪嘅設計師百水先生做嘅,因為佢行為怪異,鐘意唔著衫,而且d設計又以不規則見稱,同當時嘅設計有好大嘅分別,所以有古怪之稱;之後我哋會離開奧地利,轉入捷克嘅古姆洛夫,會喺酒店食飯,而今晚間酒店叫做Hotel Mlyn。』
﹝2008年9月14日上集﹞
一起身,嘆完個早餐之後,我哋就上車去睇呢個地下湖,聽完個導遊講解完之後,我都唔係好明,喺個地下湖點樣可以做飛機?唔通希特拉想整水陸兩用機?
﹝地下湖入口﹞
CK Lam 發表在 痞客邦 留言(0) 人氣()
好快趣,我哋已經身處斯洛伐克啦~~相信呢度係成個trip最好天嘅一日,睇我哋載晒太陽眼鏡就知啦~~
﹝好天氣@斯洛伐克﹞
其實呢度就係布拉提斯娜,行多一陣我哋就見到呢個布拉提斯娜廣場,相信天氣好嘅關係,張廣場全景圖都靚d!
﹝布拉提斯娜廣場﹞
CK Lam 發表在 痞客邦 留言(0) 人氣()
「各位團友早晨,今日我會先帶大家到漁夫堡,大家可以從漁夫堡睇到整個布達佩斯嘅風景;之後會去華茨街,大家可以用30分鐘自由暢遊;跟住我哋會離開匈牙利,經過已經通關嘅關閘,再去到斯洛伐克嘅布拉提斯娜;到達後,大家可以自由參觀布拉提斯娜廣場,自由購物及自己選擇用膳地方,於指定時間集合;之後,我哋會去奧地利參觀聖史提芬教堂;晚飯後,會帶大家去睇奧地利聞名嘅音樂劇;跟住就會返酒店休息,今晚我哋會住Hotel Pyramid。」
﹝2008年9月13日上集﹞
吃過早餐後,便等旅遊車來,可惜那個司機搵唔到路,我哋就等咗佢45分鐘,可惡!既然無乜好做就四處行下影下相啦,哈哈,又比我搵到另一款嘅環保回收筒,又幾得意wor~~
﹝環保回收筒﹞
CK Lam 發表在 痞客邦 留言(0) 人氣()
『各位團友早晨,歡迎大家來到布達佩斯,我們現在正離開布達佩斯機場,前往午膳的地方,吃過午飯後,我會帶大家到英雄廣場;再往聖坦德﹝希臘小村﹞;之後會乘船暢遊多瑙河,沿岸欣賞布達及佩斯兩岸美景;之後,會上蓋列特山欣賞布達佩斯之夜景;然後會帶大家吃匈牙利特色晚餐,跟著便會回酒店,今晚我們會下榻於Hotel Ramada。』
﹝2008年9月12日﹞
搖晃了2個多小時後,終於到達今次旅行的第一站 - 布達佩斯,在過海關及取行李時,都不忘找一些有Budapest的字句來拍個到此一遊照,外面的天氣及氣溫都很好很舒服,太好了,這是一個好的開始!
上車後第一個行程係食lunch,哈哈~~~今餐係食中餐,d嘢食ok啦,一食完就係出去門口影相,相信個個都係咁吧,話晒都叫做遊客啊。門口有幾個環保回收筒,個樣都幾得意。
﹝環保回收筒﹞
CK Lam 發表在 痞客邦 留言(0) 人氣()
『各位團友晚安,東歐四國之旅現在出發,請各團友扣好安全帶,今次行程包括匈牙利、斯洛伐克、奧地利及捷克。我們會於晚上11:50離開香港,飛12小時往倫敦希斯路機場,然後轉機往匈牙利布達佩斯機場,會在當地時間上午11:30著陸,詳細行程會在到達布達佩斯後再為大家講解,現在先讓大家休息一下。』
﹝2008年9月11日﹞
以前從沒想過要去東歐,因為要坐十多小時的飛機,又恐怕座位不好,睡不了覺的話,這十多小時叫我如何渡過?事實上,我真的捱過了這12小時,如何渡過呢?往下看吧!
今次911晚上登機﹝夠激吧!﹞,日間仍在工作中,大約六點左右便出機場了,還好,太太不用上班,可以先攜行李出機鐵站,而我則帶了一些隨身行李便是了,之後在那裡會合後再往機場出發。
之前的一次是坐澳航往澳洲,很辛苦的挨了9小時,腿不能伸直又不便把坐椅往後調,很是痛苦啊!不過今次很好呢,坐12小時英航往倫敦,腿既可伸直又可以把坐椅往後調,讓我很舒適的睡了5個小時,起機後及著陸前的2小時都有飛機餐吃,當中只有3個小時左右在聽歌及看電影,所以不多久便到達了倫敦希斯路機場。
CK Lam 發表在 痞客邦 留言(0) 人氣()