『各位團友早晨，歡迎大家來到布達佩斯，我們現在正離開布達佩斯機場，前往午膳的地方，吃過午飯後，我會帶大家到英雄廣場；再往聖坦德﹝希臘小村﹞；之後會乘船暢遊多瑙河，沿岸欣賞布達及佩斯兩岸美景；之後，會上蓋列特山欣賞布達佩斯之夜景；然後會帶大家吃匈牙利特色晚餐，跟著便會回酒店，今晚我們會下榻於Hotel Ramada。』
﹝2008年9月12日﹞
搖晃了2個多小時後，終於到達今次旅行的第一站 - 布達佩斯，在過海關及取行李時，都不忘找一些有Budapest的字句來拍個到此一遊照，外面的天氣及氣溫都很好很舒服，太好了，這是一個好的開始！
上車後第一個行程係食lunch，哈哈~~~今餐係食中餐，d嘢食ok啦，一食完就係出去門口影相，相信個個都係咁吧，話晒都叫做遊客啊。門口有幾個環保回收筒，個樣都幾得意。
﹝環保回收筒﹞
飯後第一個景點係英雄廣場，個地方好大，我用o左超過10張相先可以駁到呢張相，請放心，我影相個地方唔係馬路，所以我可以好放心咁影，哈哈~~
﹝英雄廣場﹞
去完英雄廣場就係自費節目，去聖坦德，又名希臘小村，個地方都幾靚，我哋都買咗少少手信，呢度用『福林』﹝ft﹞，我已經唔係好記得個rate點對，是但啦，反正都比咗錢啦~~
﹝希臘小村﹞
我哋行咗去郵局，寄咗幾張postcard比人，不過就寄得好趕，因為郵局收4點，我哋買posrcard已經3點半啦，所以好快手揀完card就快寫快寄。
﹝聖坦德的郵政局及郵筒，各有特色﹞
一邊行一邊睇，就比我發現到一件衫，唔知係我語文能力差，定係我會錯意，呢件衫只係今日先至會防水？@@
﹝防水衫？？﹞
玩完聖坦德就去遊多瑙河，人哋有首歌叫藍色多瑙河，但係我遊完個多瑙河之後都唔覺佢係藍色嘅@@不過遊船河期間發生咗一個小意外，一部小遊艇從我哋側邊高速駛過，我哋完全唔為意下比個大浪擊中，結果有兩位老人家被拋落地上，好彩，佢哋都無受傷，其中一位婆婆就趺碎咗隻玉鐲，有人話『破財消災』，係咩@@
﹝兇手就係佢，同我認住佢！﹞
遊完船河就上蓋列特山睇夜景，之後就係食特色晚餐，不過我就唔覺有乜特色，最特色就係睇班人跳匈牙利舞，之後比佢哋捉咗出去一齊跳，係咁2跳吓就送咗隻碟仔比我，哈哈~~
﹝從蓋列特山睇布達佩斯夜景﹞
﹝匈牙利舞蹈﹞
﹝送給我的碟子﹞
晚飯後，便往酒店休息了，呢一日o既行程比較辛苦，如果用香港時間計，我o地已經玩到朝早5點有多……zzzzzzz
﹝Hotel Ramada @ Budapest)
留言列表
