「各位團友早晨，今日我會先帶大家到漁夫堡，大家可以從漁夫堡睇到整個布達佩斯嘅風景；之後會去華茨街，大家可以用30分鐘自由暢遊；跟住我哋會離開匈牙利，經過已經通關嘅關閘，再去到斯洛伐克嘅布拉提斯娜；到達後，大家可以自由參觀布拉提斯娜廣場，自由購物及自己選擇用膳地方，於指定時間集合；之後，我哋會去奧地利參觀聖史提芬教堂；晚飯後，會帶大家去睇奧地利聞名嘅音樂劇；跟住就會返酒店休息，今晚我哋會住Hotel Pyramid。」
﹝2008年9月13日上集﹞
吃過早餐後，便等旅遊車來，可惜那個司機搵唔到路，我哋就等咗佢45分鐘，可惡！既然無乜好做就四處行下影下相啦，哈哈，又比我搵到另一款嘅環保回收筒，又幾得意wor~~
﹝環保回收筒﹞
終於等到個司機啦，我哋就即刻去漁夫堡，呢度都幾靚，廣場中間有個好似叫查理一世嘅皇帝，我都唔記得係咪lu~~
﹝漁夫堡﹞
之後就四周圍行下，見到乜就影乜，
唔知我係咪特別鍾意影樓梯呢，一見到就想影，哈哈~~好彩影得快，無幾耐之後就有好多人經過，想影都難。
玩完漁夫堡之後，就落去華茨街行，條街無乜特別，我都只係買咗個鎖匙扣就算，不過行街時有個小插曲，有一個打扮得好整齊嘅人喺條街度，我二話不說就捉住佢影相，佢又唔介意wor，之後我先知，原來佢係派傳單o架，真搞笑@@
﹝派傳單的人﹞
﹝布達佩斯的坑渠蓋﹞
之後就離開匈牙利去斯洛伐克嘅布拉提斯娜，沿途見到草地上好多一個個圓轆轆嘅東西，原來係已經收割好嘅小麥，預備運去做啤酒；另外，又見到d風力發電嘅風車，好大個o架，咁啱又比我見到風車加小麥，咁就快手影低佢先 ^o^
唉~~d遊客真係低能﹝我講我自己﹞，成個大鄉里咁~~
﹝風車加小麥﹞
正因為好多國家已經加入歐盟，所以唔洗排隊過關，可以驅車直過以前嘅關閘。
﹝匈牙利過斯洛伐克嘅關口﹞
欲知斯洛伐克是何許模樣，請看part 3b，謝。
留言列表
