好快趣,我哋已經身處斯洛伐克啦~~相信呢度係成個trip最好天嘅一日,睇我哋載晒太陽眼鏡就知啦~~
﹝好天氣@斯洛伐克﹞
其實呢度就係布拉提斯娜,行多一陣我哋就見到呢個布拉提斯娜廣場,相信天氣好嘅關係,張廣場全景圖都靚d!
﹝布拉提斯娜廣場﹞
行咗一陣之後,我哋就發現咗一個真人同假人,好驚呀!原來東歐有部份人係鐘意街頭賣藝o架,佢就係我哋第一個喺東歐見到嘅街頭賣藝者,你又分唔分得出邊個係真人邊個係假人呢?
﹝街頭賣藝者﹞
跟住我哋就行咗去食飯,原本諗住有風味一d,坐街邊位享受下我哋嘅自費午餐,但係太大風啦,都係進駐室內會好d!其實東歐人唔係人人識講英文,就算係waiter都一樣,我哋叫咗幾個人幫我哋order食物都無人埋,原來佢哋有1-2個English speaking waiters,要等佢哋得閑先至招呼我哋。呢度d食物都幾好味,d咖啡都好好飲,我叫咗杯Irish Coffee,趁熱飲時真係好好飲,可惜凍咗就唔好飲lu~~
﹝自費午餐cafe﹞
﹝Coffee @ 布拉提斯娜﹞
埋單時,個朋友同我爭住比錢,唔係我哋好客,係我哋都想攞張東歐碌card 嘅單,結果我比錢,部碌card機都幾得意,有d似香港嘅小型八達通機。
﹝東歐碌card機﹞
臨上車前,我哋專登行遠少少,因為想影埋個聖馬可教堂,有乜特別?唔知呀,有介紹咪影lor~~做遊客就係咁o架啦~~
﹝聖馬可教堂﹞
原來已經過咗少少鐘,所以急急腳走上車過維也納。維也納有2個地方我哋要去,先去聖史提芬教堂,之後就係晚上嘅音樂劇;
﹝聖史提芬教堂﹞
真係好佩服當地人,連外牆裝修嘅圍板面都要做到好似未裝修一樣,勁!睇完教堂就睇街頭藝術,呢d浮雕畫真係好靚,凹凸之餘仲好有層次感,真厲害!
﹝浮雕畫﹞
之後又見到一個街頭藝人,佢身穿白衣望住我,我見佢望我,我咪望番佢lor;佢又點頭,咁我又點頭lor;跟住佢用韓文同我打招呼「on呢哈些唷」,我擰擰頭;佢又用日文同我講「恭巴哇」,我又擰擰頭;跟住佢用國語同我講「你好嗎」,我點點頭,之後大家就相望笑一笑,哈哈~~呢一種同陌生人相識嘅方法都幾好玩,
﹝街頭藝人﹞
行完街就去咗食飯,食飽飯後就去聽音樂劇,今次呢個音樂劇就超貴,要40歐元,即係440幾港幣,仲要係坐山腰位,可能我唔識欣賞啦,其實都幾悶,不過,一場o黎到,點都要影吓相嘅~~
﹝金色大廳﹞
聽完音樂劇就返酒店lu~~
﹝Hotel Pyramid﹞
留言列表