松此放眼看世界

﹝2008年9月14日下集﹞

食飽飯後，我哋就去莫札特廣場，唔知係咪d什麼名人廣場特別唔特別呢，就係咁整個紀念像同埋少少裝飾就算，無言……

﹝莫札特廣場﹞

之後就行咗去荷夫堡，呢個荷夫堡都幾大，有個唔知乜乜人曾經打勝仗，就整咗個像記念佢。

﹝荷夫堡﹞

我身後有一個臺，即紅色banner那裡，據導遊講，希特拉原本諗住打勝仗後就喺呢度發表宣言，可惜，佢都係得個諗字~~

我哋之後就去埋奧地利嘅最後一站 - 百水公寓，又名古怪屋，係一位叫做百水先生嘅人設計嘅，因為佢行徑古怪，鐘意唔著衫，而佢當時d設計又比較反傳統，設計親嘢都係不規則，同當時對稱文化完全背道而馳，所以有古怪人之稱。在我而言，我又唔覺得古怪wor~~可能時代唔同咗啦~~

﹝百水公寓，又名古怪屋﹞

呢度四周圍d設計都好特別，大家睇吓下面張相，我覺得我好似捉住隻怪獸個口，唔比佢食我，哈哈~~

﹝古怪設計﹞

之後就離開奧地利，向捷克的古姆洛夫出發，由於車程較遠，去到已經夜晚lu~~一放低行李就去大堂食晚飯，呢個餐無乜特別，但好好味，相信係我太肚餓吧，哈哈~~

﹝晚餐@古姆洛夫Hotel Mlyn﹞

食飽飯後就出街行吓，可惜仍然落緊雨，行多兩行都無乜心機，影幾張相就返酒店lu~~

﹝落緊雨@古姆洛夫﹞

唔知大家有無發現，東歐d屋通常都係尖頂嘅，咁大家又知唔知尖頂屋嘅入面又係點呢？睇吓下面張相你就知，哈哈~~~

﹝Guest room @ Hotel Myln﹞

唔講啦~~有d眼訓，聽朝再講。