﹝2008年9月16日下集﹞
食飽飽就梗係繼續行啦，我哋行咗好多地方，有行舊城區，睇天文鐘，搵火藥塔，仲有買手信。行舊城區時，見到好幾舖都賣緊d鐵mug仔，好colorful，size又多，睇見到好想買。
﹝賣mug仔的店鋪﹞
其實呢個舊城區都好多嘢睇，又可能身邊一切東西對我o黎講都係新鮮，見到乜都影一餐。
﹝舊城區一帶﹞
東歐嘅郵局都係用我身後呢部車個logo，即係黃色一個喇叭仔咁樣，幾得意。
行咗一陣後，就有dd想坐,咁我哋就搵咗間starbucks坐下，嘩~~布拉格咖啡真係貴，價錢除2就等於港幣，你自己計下啦~~
﹝布拉格starbucks﹞
稍作休息後，就去搵火藥塔，行咗一陣都搵唔到，諗住問人嘅時候，就比我哋搵到了！好彩無問人咋，除咗言語不通外，原來布拉格有13個火藥塔，人哋都唔知我哋想問邊一個塔，哈哈~~
﹝火藥塔﹞
之後就行番去睇天文鐘，每逢搭正佢都會響，有12門徒出現，仲有個骷髏骨敲鐘tim，d旅行社單張介紹呢個天文鐘，話個骷髏骨敲鐘嘅時候會有d恐怖，初初我都有dd緊張去睇，點知睇完之後……原來真係好恐怖o架！恐怖在我只係知道個骷髏骨敲緊鐘，但一d恐怖嘅氣氛都無，你話恐怖唔恐怖吖？算吧啦~~~
﹝天文鐘﹞
﹝天文鐘一帶的建築物﹞
原來我哋約好咗5:15喺一家店子內集合，可惜，有人遲到，5:30先齊人，咁我哋就急急腳走去岸邊，預備遊船河睇布拉格兩岸景色同埋伏爾塔瓦河。
今次遊船河比喺匈牙利那個好得多，至少無船超速先啦，而且，我哋仲可以一邊食自助餐一邊睇風景，都唔錯吖。
﹝往碼頭前的街景﹞
上了船後，就梗係周圍影相啦，船上面有位樂手玩手風琴，我覺得佢好叻，d音樂都好好聽，所以點都要捉住佢影番張相。
﹝飲杯~~﹞
﹝與樂手合照﹞
嘢食都ok啦，食飽個肚就算吧，跟住就走咗上去船嘅上層影下相，剛好見到架船駛入個水閘。點解要入水閘呢？因為伏爾塔瓦河嘅河段係有唔同高度，所以要用d水閘o黎幫d船上落，咁我呢d大鄉里就唔輸蝕，影番d相比大家睇吓，等你哋唔洗做大鄉里嘛！落足眼力睇下咩叫做『水漲船高』啦~~
﹝進入水閘﹞
﹝閂閘了……﹞
﹝注水中，即係水漲﹞
﹝注水完畢，船高了，可以繼續行程﹞
遊多兩遊，又係上岸嘅時候，當時，個天都差不多黑晒lu~~，影多張夜景先返酒店。
﹝布拉格夜景﹞
因為聽日就要番香港，所以今晚要執行李，唉，開心嘅時間過得真係特別快……
留言列表
