﹝2010年9月24日﹞
﹝卡柏都斯亞 > 柏夏背 > 居里默 > 石洞歌舞﹞
我哋一過咗馬路之後就見到身後嘅奇石林,可能大家都會覺得d石柱會唔會跌落o黎,其實唔洗擔心,因為佢哋唔係2舊石,係一舊o黎o架,因為以前嘅天災,例如地震呀,火山爆發呀等等,再加上風雨侵蝕,上高嗰截同下低嗰截冷卻時間唔同,所以佢哋先會有2截唔同顏色吧!
﹝有個穿咗窿嘅石柱﹞
我哋沿小路向上行,見到好多人都行呢條路上去,我哋都跟住行,行到上頂先知,原來行遠多少少係可以行石屎路唔洗行沙路 @@
﹝好斜嘅沙路﹞
行到再高dd就可以望番落頭先過馬路嗰度,不過比我遮住咗。
﹝行高dd睇奇石林﹞
其實呢個奇石林真係好靚,靚在係天然景,睇見背後嘅大自然美景,不得不說聲『創造真係奇妙,人類真係渺小。』
﹝好靚嘅奇石林,又或者叫仙境煙窗﹞
當我一企喺個比較高嘅地方時,我好想影張全景相,即係360°相,可惜,我身處個位唔夠開揚,總會影到腳前一d空地,唔夠震撼,所以都係分2張影好過。
﹝奇石林一角 1﹞
﹝奇石林一角 2﹞
影下影下就發現無玩熱氣球嘅團友已經o黎到,不過佢哋就投訴話點解唔早d帶佢哋o黎,早d出o黎影相同行下,總比留o係酒店好wor~~我都唔知點答佢好,其實佢哋係咪應該同領隊反映下呢?我只可以講句『深表遺憾』。
集合後,我哋就坐車去居里默,呢個係一個都幾大嘅地方,市中心有得飲飲食食,玩電單車,沖土耳其浴,買手信……其中比較出名就係佢哋嘅洞穴教堂,如果真係要行晒咁多間教堂都要一個鐘,而且有部份教堂係要入場費呢。
下圖就係其中一間教堂,不過已經唔記得叫咩教堂lu~~
﹝居里默洞穴教堂 1﹞
﹝居里默洞穴教堂 2﹞
去到呢度,我都有帶埋我枝腳架去,點知一入門口就比人收起咗,話場入面唔比用腳架影相,離場先比番我,真老土!所以喺呢度影唔到幾多合照,好多時我哋都鐘意set腳架自拍,唔洗麻煩人之餘,自由性都多d啦,最後都係要搵人幫手,唉~~
﹝合照@居里默﹞
成個居里默,Goreme Open Air Museum有好多教堂,比較有印象嘅係蛇教堂、蘋果教堂同埋黑暗教堂,當中蘋果教堂就多d人睇,因為入面有d壁畫,不過就唔比影相嘅,以前係比嘅,只不過唔比用閃光燈,因為閃光燈會破壞d壁畫,不過好多人都唔聽話,又或者唔小心,照閃可也,所以家下唔比影相。
我一路行呢度都覺得唔用閃光燈影相會好d,出o黎個效果同實景係接近d。
﹝其中一家教堂入口﹞
﹝從教堂內影到嘅人群,似耶穌年代樹下教訓眾人嗎?﹞
﹝其中一家教堂內﹞
﹝呢張係餐枱﹞
下圖係其中一間教堂,之前我同大家講過話唔好用閃光燈嘅,呢一張就係sample,如果用咗閃光燈的話,係出唔到呢個效果o架。
﹝其中一家教堂﹞
﹝行到去高地見到嘅居里默一帶,好大好開揚﹞
行完居里默就去食飯,我覺得個lunch無乜好講 & post,所以skip咗無講,鏡頭一轉就去行陶瓷工場,一聽個名就知道係促銷劈遊客嘅地方啦,當然,我哋就唔會比佢劈到嘅,最主要係d 嘢跟本唔啱洗嘛。
一入到去就有個師父親身示範點整個糖盅,果然師父即係師父,只見佢用腳為個轉盆加速,係咁意玩下舊泥,加下水,再搓幾嘢就已經整好個糖盅樣出o黎,再整多兩嘢就整好個蓋;精彩嘅就係佢整完個蓋之後,度都唔洗度個盅口闊度,就咁就整好個盅身,仲要係上下兩半冚得埋呢度先好嘢,真係要比個爆讚佢呀!
﹝整糖盅嘅師父﹞
﹝整好個糖盅蓋lu,留意圖右個檯面﹞
﹝糖盅完成!﹞
睇完師父示範後,有個女團友比人夾咗出去試玩,呢d咁嘅情況通常都係女團友被『邀請』多,見佢著好件『戰衣』後,就埋位玩,當然啦,呢位生手玩咗兩嘢就失敗咗啦,不過好笑嘅係個團友不斷咁拉長㯲扁舊泥,都唔知點做至好。
個團友比人玩完後就入去佢哋個工場睇其他人為d瓷器加工上色,唔知道佢哋d瓷器有幾好用,不過睇見d師父咁專心&小心去上色,就知道土耳其嘅瓷器係貴在手工。
﹝為瓷器上色嘅師父﹞
呢個廳就係佢哋劈遊客嘅地方,老實講,真係唔抵買,大家都係喺度悠悠閒四圖行,無人買嘢,佢哋見我哋唔幫趁,淨係喺度影相,就出聲話呢度唔比影相wor~~連相都唔比影,咁就有人同領隊講不如走啦,反正無人買嘢,結果,逗留咗大約半個鐘就走lu~~
﹝劈遊客嘅陶瓷工場大廳﹞
下回繼續。
留言列表