﹝2010年9月27日﹞
﹝巴格門 > 特洛伊﹞
今日嘅景點就只有2個，巴格門 & 特洛伊。巴格門，即係聖經入面嘅別加摩，只係釋音上嘅唔同吧；特洛伊，即係木馬屠城記嘅地方，陣間再詳細講。不過請留意，係巴格門，唔係巴格達，我哋無去到伊拉克。
喺個燕子竇之家瞓咗一晚之後，都ok舒服啦，下圖就可以睇到嗰幾個燕子竇，可能細個嘅時候見得多，都唔覺得佢有d咩咁特別，但係搞笑嘅我哋，就試過閂埋度門，拉埋個窗簾，諗住等呢個燕子竇『主人』番嚟，順便睇下佢係咩樣，結果我哋等咗3分鐘就放棄咗，得出嘅答案就係『呢個係一個有燕子竇but無燕子之家』，enjoy the stay！
﹝有燕子竇but無燕子之家﹞
尋晚食飽飯之後，我哋都有同其他團友出去出面行吓，不過出面真係無嘢行，之後就番酒店影吓相咁lor，呢度個泳池喺夜晚嘅時候都幾靚，原來食早餐都係喺呢度。
﹝早餐@泳池旁之日與夜﹞
食飽早餐就出發去我哋嘅第一個景點 ─ 巴格門！出發前同我哋個烈火戰車司機影張相先！
﹝烈火戰車司機﹞
之前已經講過，去土耳其嘅朋友，係要有定準備坐3-4個鐘頭車去一個景點，今次由酒店出發都係咁上下，所以，坐車時最好嘅活動就係傾計同影相。
﹝往巴格門途中 1﹞
﹝往巴格門途中 2﹞
今日係陽光普照嘅一日，真係好好天，我哋到時已經有幾部旅遊車到咗，希望唔好咁多人啦，可以影多d無乜『閒雜人等』嘅相啦，一去到門口，領隊去買飛，我哋就邊等邊影相，去到大門口就當然要到此一遊啦。
﹝到此一遊@巴格門﹞
其實，每去一個遺跡，我都會喺心裡面都會問一d問題，究竟而家擺喺眼前嘅遺跡，有幾多係真，幾多係假？有幾多地方係『後加』以方便遊客參觀？就好似下圖咁，我總係覺得中間條路係做出嚟比人行，唔會係當時嘅路，不過都無乜心去考究lu~~
呢一個景真係要快手影先得，我哋有幸係第一批到呢個景嘅團﹝可能有人比我哋早到，but已經行咗去第二個景點﹞，可以聽完個領隊講解之後再影番張無『閒雜人等』嘅相，不過真係要快，尤其係要搵人幫手影嘅合照，因為領隊只可以幫到幾個組合影過相之後，後面已經有一班歐洲團到咗，佢哋一到，就要其他人向前行，唔好阻住佢哋嘅講解。
我哋當然好『合作』慢慢向前行啦，一路行又一路影lor~~總之鏡頭向前就唔會有『閒雜人等』啦，吹咩！
﹝到此一遊@巴格門﹞
一路向前行，就被帶到一個高地，亦如領隊所講，一開始唔洗急住影相，因為再行高d就會有一個地方可影晒個巴格門全景，亦都係嚟巴格門必影嘅景點。呢個地方好大風，淨係睇我d頭髮就知啦。我哋個背景係一個劇場，不過就唔記得叫咩名。如果大家覺得呢個景已經滿足嘅話，可以唔洗企高d再影過，而我就選擇企高dd，雖然分別唔太大，不過就可以少咗好多『閒雜人等』呢！
﹝巴格門大劇場﹞
﹝企高d @ 巴格門大劇場﹞
大家可見到我背後有2棵樹？我覺得佢哋好勁，喺一片頹垣敗瓦中都可以咁青綠咁茂盛，真係犀利！
睇完大劇場就繼續向上行，又再見到一埋遺跡，除咗d柱之外，我覺得地下d石好假，擺明係有心放埋一齊比人影相啦！不過咁，如果唔擺埋一齊，又點會有條咁好嘅路比我哋行吖！
﹝巴格門遺跡 1﹞
呢一埋遺跡我就真係唔知佢真定假，不過我相信上高白色o個d應該係真，下面深色d嘅石會係假，因為佢哋排得太整齊啦！上下兩半加埋就更假，相信係先整好下面d石，再將d遺跡放上去，跟據我嘅推論，呢堆遺跡應該係假嘅。
﹝巴格門遺跡 2﹞
影完上面嗰堆石之後，我就行出過對面條欄杆前同個巴格門影個全景先！
﹝巴格門遺跡全景﹞
行到呢度已經差不多行晒成個巴格門古蹟，所以我哋行番出去門口嘅途中，就睇下有無咩景未影相 or 有d咩走漏眼，出到門口記得幫趁多次佢o地個免費廁所。出到門口我哋就睇清楚門口部吊車，原來係未開嘅，『未開』嘅意思係仲未投入服務，唔知佢幾時 open to public，等d遊客可以搭吊車上嚟，仲可以劈多遊客一筆tim~~
﹝未投入服務嘅巴格門吊車﹞
睇完巴格門就去食飯，呢餐飯都無乜特別，都係同一樣嘅自助餐。
﹝自助午餐﹞
食飽就出門口影下相先，睇見呢條馬路就可以估到點解我哋部旅遊巴會叫做烈火戰車啦，咁大條直路都不知幾好飛呀！。
﹝土耳其馬路﹞
飯後行程轉 part 6b。
留言列表
