﹝2011年3月13日﹞
﹝法蘭克福 > 科隆 > 華倫丹 > 阿姆斯特丹﹞
喺之前一part嘅酒店門外影完相後,就沿住條路向前行,就會經過一個海邊,可惜,天陰 & 密雲,否則呢度應該會好靚,我哋身後呢排屋仔亦都係一個好好嘅攝影地點,一陣再話比大家知有咩好影。
﹝華倫丹海邊﹞
沿住條路行,就會有一條小樓梯,上咗樓梯就係一條買手信同食嘢嘅街,不過小心d wor,呢條街係有車行o架,唔好掛住影相而變成『輪』下亡魂呀,哈哈~~
﹝華倫丹一條街﹞
我哋一陣間會幫趁身旁嘅小食店,領隊話呢一帶有三樣嘢一定要食,炸魷魚,炸蝦同埋炸魚,呢種魚係呢度先有,唔係炸魚塊咁賣,而係一條條咁賣,個size就有如沙丁魚咁lor~~ 當然就唔只呢三樣嘢啦,仲有其他嘅~~
樓梯上o黎嘅左手邊就係呢間小食店一帶,而右手邊就係一排嘅屋仔,點解我會話呢d屋都係景點呢,係因為呢度d人好proud of 自己個廳,每個家庭都會好用心咁去佈置自己個廳,總之唔靚都唔會show出o黎,所以佢哋就算無人喺屋企都好,佢哋都唔會落窗簾,大家可以隨便隔住玻璃窗欣賞及拍照,而我都有睇過幾間,都真係幾靚吓,不過就無影相,始終我都覺得咁樣影人哋個屋企有d怪怪地……
﹝華倫丹海邊一排屋﹞
人哋嘅屋企睇完就算數,之後,我哋就行去另一邊,睇吓d手信同埋食嘢,當然,四周圍行同影相就一定要啦。
荷蘭有三樣嘢係好出名嘅 -- 風車、木屐 & 花!老婆身旁嘅花全部都係木製嘅假花,手工好好,不過唔啱我哋,所以無買到,跟住入去舖頭行吓,手信店嘛,就係成個舖頭都係紀念品,我記得好似買咗個鎖匙扣就走咗。
﹝華倫丹紀念品店﹞
行過少少,就係一間小食店,不過我哋唔幫趁住,行多一陣先,所以就沿住條路再向前行,行到去海邊時,我就set腳架同老婆玩自拍,點知我哋擺好post等影相時,有兩個鬼妹走埋o黎想搞我部相機,其實我係覺得佢哋係想幫我哋影相,因為佢哋個動作似係搵緊個快門制,到佢哋搵到時就已經自拍咗lu~~ 我見佢哋咁多事,咁咪捉埋佢哋影相lor~~ 荷蘭任務,完成!
﹝與荷蘭人合照@華倫丹﹞
任務完成後,就行咗去海邊方向,呢一邊岸邊比較少船泊喺度,所以喺呢邊影過去的話,華倫丹嘅屋仔就一眼見晒!
﹝華倫丹海邊﹞
自拍完之後就當然耍駁番張相先啦,我靜雞雞又大聲d講個秘密你知吖,上圖同下圖係差唔多嘅位置,只不過上圖條柱仔比我哋兩個遮咗吧,哈哈~~ 仲有,記得唔好懶有型咁挨住條柱,又或者用條柱『long』住隻手o黎影相,因為呢一帶有好多雀仔放『炸彈』,一個唔留神,咁就做咗『周紳士』。
﹝華倫丹海邊﹞
影完相之後就去食少少嘢,之前已經講過有幾樣嘢食係呢度嘅推介食品 -- 炸魷魚、炸蝦同埋炸魚。由於我哋唔係食魚嘅人,所以只係叫咗炸魷魚同埋炸蝦,再加多杯啤酒,由於佢哋預先已經炸好d食物,所以佢哋要叮一叮d嘢食先比我哋,所以d嘢食唔脆,不過都幾好味;食咗一陣之後,團友呀政兩公婆都o黎呢度食嘢,佢哋有買炸魚食,而我哋就借佢兜魚同埋枝橙汁影相。
﹝華倫丹小食﹞
食咗一陣之後,團友 Merrick 行過,仲話喺某一間舖頭買到平嘢,仲叫我哋要快手d,因為有部份舖頭開始閂門嘞!有好嘢就當然唔會放過啦,而d食物就比我哋極速 KO 咗,跟住就向目標進發, Merrick果然無介紹錯,雖然唔係好平,但係都叫平咗dd。呢頭買完嘢,出番門口之後就發現好多舖頭都閂咗門 lu~~ 好彩,我哋都有少少斬獲。
﹝好早收舖嘅華倫丹手信店﹞
既然d舖頭都閂門,我哋都應該係時候打道回府嘞,臨落樓梯前,駁番張相先,如果喺我影相呢個位向右手邊行,即係部黑色車嘅方向,就可以去『參觀』人哋屋企個大廳,而左手邊就係好多嘅手信店,同埋可以行到去海邊;至於我哋食炸魷魚嘅舖頭就係張相左手邊,插住好多枝旗嗰間舖頭。
﹝華倫丹街頭﹞
正當我哋喺沙灘度影完相要走嘅時候,老婆叫我唔好走住,要影埋相先,我就覺得好奇怪,都夠鐘集合啦,而且,呢一帶都影咗好多相啦,仲有d咩咁想影呀?原來佢發現咗一棵好靚嘅樹,叫我 set 好腳架玩自拍,佢講完個構圖之後,我已經完全明佢想點,所以,我就叫佢行定上去先,set 好 timer 之後,就到我急跑上去埋位,最後,我哋兩個合作影嘅相就完成咗,我哋都好鐘意呢張相。
﹝背影@華倫丹﹞
其實,影呢一張相都有少少好彩,第一,只係得一部車喺老婆嗰邊,如果再多一部喺前面的話,個效果應該無咁好;第二,我個頭無同d樹枝 jam 埋,set 機嘅時候係無諗過呢個問題;美中不足嘅,就係我哋拖得唔夠埋,因為我驚企得太埋的話,會睇唔到我哋拖住手,所以我有心行開少少。
華倫丹之旅終於完結,相信大家都好滿足,係時候去阿姆斯特丹嘞,而途中,比我哋發現一部環保車,唔好以為下面嗰部係玩具車,我哋路過時,係見到有個司機同埋有個駄盤o架!
﹝荷蘭環保車﹞
鏡頭一轉,我哋就去到阿姆斯特丹好出名嘅紅燈區,呢個紅燈區出名在咩呢?就係廚窗女郎!河岸兩邊有好多個廚窗,有d落咗窗簾,有d無落到;落咗窗簾嘅,即係做緊生意;無落窗簾而又見到有個『貨辨』企咗喺度,向你騷首弄姿拋媚眼嘅,即係話比你聽佢『呀威拿部』,講啱價錢就可以入去交易。
﹝阿姆斯特丹紅燈區﹞
行呢條街都幾好笑,d廚窗女郎不論高矮肥瘦都好,全部都著住套bikini,更攞膽嘅就係佢哋d廚窗都有紫外光照住,而佢哋套bikini喺紫外光照射下,全部變晒瑩光色,夠攞膽未?當然未啦!有d女郎將室內燈光較到好暗,遠睇的話,就只係見到一套瑩光嘅bikini喺空中飄浮,簡直係攞命呀!
大家行呢度嘅時侯要留意一下:
1﹞ 唔可以影廚窗女郎
2﹞ 唔好貪玩走去問價,除非你真係想幫趁
3﹞ 小心財物
呢度係有好多『天文台』『睇水』o架,所以千祈唔好玩嘢!
除咗d女郎咁搞嘢之外,我仲發現多樣搞笑嘢,河嘅兩岸近岸邊嘅地方,你可能會發現到有一個綠色鐵造嘅圓桶形物體,最少有7呎高,遠睇未必會知係乜,但係一行近就有好強烈嘅阿摩利亞味,相信你應該估到係乜吧!
我同老婆講呢個係xx o黎,佢都唔係好信,我話我見到有個男人行咗入去呢個充滿阿摩行亞味嘅地方,跟住就見到佢兩腳企定,然後,喺佢腳前多咗條『水柱』,所以,你話呢個嘢係乜吖?
笑完一大餐之後就番酒店,等攞鎖匙嘅時候,我哋就喺大堂四圍行吓,行吓行吓就發現咗一個 self service 嘅 information counter,呢個 counter 有好多旅遊資訊,有d咩玩,有咩景點,總之睇啱就攞啦,每張 card 都有一個電話號碼,想玩就 call 佢啦,我覺得呢個 service 真係要 like 爆呀!唔洗驚無嘢好玩呀!
﹝資訊充足嘅資訊站﹞
返到房就當然係執嘢啦,由於晚晚都唔同酒店,所以晚晚都要執,而今晚我哋就執咗個 puff 出o黎,我哋驚佢捱唔到咁多日,應該等唔到返香港先食,所以,今晚嘅宵夜係卡布奇洛味嘅 puff !其實個 puff 真係好大個,我哋兩個一人一啖咁食都食咗好耐。
﹝卡布奇洛味嘅 puff ﹞
去到呢一度,終於要休息,聽日同大家一齊行荷蘭嘅風車村,之後就會進入比利時之旅,See you tomorrow !!
留言列表