﹝2011年3月15日﹞
﹝布魯日 > 布魯塞爾 > 巴黎﹞
嘆完青口餐後，又係時候同比利時say goodbye，跟住就會進入法國，亦即係我哋嘅行程最後一站，而今日下午嘅行程就係去蒙馬特山，我稱佢為賊仔山，因為呢一度有好多或明或暗嘅賊仔，一不留神，破財擋災吧，詳情陣間再講~~
進入法國之後，我見到一d廣告牌都幾得意，大家一睇個公仔就知道佢賣乜。
﹝玩小型賽車吧~~﹞
﹝擺到明係日產嘅廣告啦~~﹞
當我哋部車經過一個紅色大風車時，領隊就話比我哋知，呢一個就係法國嘅紅磨坊，好出名o架!! 曾經o黎過香港tim~~
﹝法國紅磨坊﹞
再行多一陣，我哋就到達蒙馬特山，落車嘅時候，見到一個好"哈佬喂"嘅stand，睇真d，原來係地鐵入口@@
﹝法國地鐵站入口﹞
落車前，領隊先叮萬囑我哋要小心財物同埋祈福黨。
蒙馬特山係一個龍蛇混雜嘅地方，而且遊客多，所以扒手亦都多，只要你比個機會佢，佢哋就可以向你展現佢嘅本事 -- 快到"無朋友"!! 所以切記小心！！另一類要小心嘅人就係祈福黨， 一陣再講個日本以女仔點中招。
﹝過埋條馬路就可以上蒙馬特山﹞
當我哋等緊過馬路嘅時候，我發現喺我哋嘅左手邊有幾個人，不懷好意地望住我哋，當佢望住我哋嘅時候，我都望番住佢，從佢嘅眼神當中，我可以感受到佢哋想向我哋埋手，可能你會覺得我多疑，但係我對呢一帶嘅黑人係特別無好感，所以我再怒啤佢哋，一個轉頭，佢哋就消失咗，之後我就同其他團友單聲呢件事，叫大家提高警覺，無謂咁樣益人吖~~
其實，蒙馬特山唔算係一個山，只不喺法國呢個"平原"o黎講，佢比較凸出，所以先叫佢做"山"吧~~
過咗馬路之後，我哋就開始上山，山腳就係一個有旋轉木馬嘅公園，去到呢一度，大家就要再提高警覺，唔單只提防扒手, 仲要提防祈禱黨，佢哋會喺呢一帶出沒，上咗樓梯無幾耐，就見到有個日本女仔中招，比個黑人戴咗條手繩上手，唔知佢比人屈咗幾多錢呢? 可憐……
祈福黨嘅人其實好易認，通常佢哋會係黑人，手揸住一d手繩，借故走埋你身邊，嘰哩咕嚕一倫之後，就會同你戴上手繩，一同你戴咗之後，就唔該速速磅唔好兩頭望！！所以面對祈福黨最好嘅方法就係唔好理佢，而且，唔該收埋你雙手，無謂比人有機可乘。
蒙馬特山個招牌就係我身後邊嘅教堂 -- 聖心堂﹝Basillique du Sacre Coeur﹞，唔洗錢入去參觀。
﹝蒙馬特山聖心堂﹞
就喺聖心堂對出呢條樓梯，d人多到不得了，無論係影相，齋坐，hea，表演，圍觀……總之就好多人啦，呢度只不過係一部份吧~~ 而我哋去到嘅時候，就見到有人set咗個台，玩足球表演，亦都有人自彈自唱。
﹝蒙馬特山聖心堂前嘅表演 & 圍觀勝地﹞
上圖左下角由左至右就係我哋另外嘅4個團友。
上到去聖心堂之後，個個都會擰番轉頭影相，因為成個巴黎市都可以一眼睇晒！！此可見，呢個蒙馬特山有幾"山"呢@@
﹝從聖心堂眺望巴黎市﹞
聖心堂後面有個叫畫家村嘅地方，我都唔知呢個名真定假，係因為多畫家聚集吖，定係領隊自己幫佢改呢個名呢? 真係唔知道啊~~ 不過叫得畫家村嘅，就一定有好多畫家啦，個個畫家都有自己一個地盤畫嘢，領隊提醒我哋影相嘅時候要小心d，唔好兜口兜面咁影人哋d畫，要影就離遠少少影。
﹝聖心堂後面嘅畫家村﹞
其實呢一帶除咗畫家之外，仲有好多"唔願出鏡"嘅藝術家喺度，大家可以從一d舖頭門面啦，所賣嘅浮雕畫啦，牆上嘅畫啦，外牆裝飾啦，甚至乎行人嘅打扮，都可以睇到呢一帶嘅人同埋地方，都有好濃厚嘅藝術氣息，可惜，對著我呢d不知藝術為何物嘅人o黎講，簡直係對牛彈琴，所以我都係到此一遊算吧~~
﹝聖心堂一帶嘅小巷﹞
由於集合地點係我哋落車嗁地方，所以我哋要沿路行番落去，臨離開之前，同呢個聖心堂影多張相先。
由我影相呢個位置向左邊行過少少，就會見到一間賣紀念品嘅舖仔，我哋都有行到入去，不過個價錢同埋d紀念品唔吸引，所以行咗個圈就走咗。而紀念品旁邊係一個纜車站，方便好多人上呢個"山"，相信搭纜車上山就可以避開班祈福黨，而個代價就係比錢纜車公司洗。
﹝蒙馬特山聖心堂﹞
回程嘅時候，領隊話比我哋知道，巴黎嘅街道統稱為環城大道，即係話巴黎城市規劃係以巴黎為中心點，再向外一環一環咁去劃出去，聽落好似幾有系統，但係日子一耐，交通愈見擠塞的話，咁就要加路，第二環同第三環之間要再加一環的話，叫佢做第幾環好呢?
另外，領隊又介紹咗一個特色交通燈比我哋睇。一般交通燈只係得柱頂有燈睇，而巴黎嘅交通燈卻係高低各一，點解呢? 根據領隊所講，係因為之前發生好多衝紅燈事件及交通意外，好多肇事司機都話唔知道係紅燈，所以照衝；甚至乎有司機話d燈set 得太高睇唔到，所以先至會做成交通意外，歸根究底，係政府錯，唔係佢哋錯!! 咁無賴嘅說話，我相信唔係咁多人講得出，anyway，法國政府最後都為咗呢班無賴整多一組交通燈，生得高就睇高燈啦！
﹝法國交通燈﹞
回程番酒店嘅時候，見到個生果檔燈火通明，唔知點解呢，我每之見到一d咁樣嘅檔口，就覺得佢哋d嘢好吸引，好想睇吓並且順路買番些少咁。
﹝生果檔﹞
快快趣趣食埋餐飯就番房休息lu~~ 預備聽朝早巴黎市觀光。
﹝酒店房間內﹞
留言列表
