﹝2011年3月16日﹞
﹝巴黎市內觀光﹞
﹝讓各位久侯嘞,我終於『的』起心肝再寫埋餘下兩日嘅行程,相隔咁耐都仲唔放棄,真係唔like自己都唔得!﹞
去到呢一日,已經係成個行程嘅最後一站 -- 巴黎,今日就只係喺市中心四圍行,無乜特別。我哋會先上巴黎鐵塔,又稱艾菲爾鐵塔,之後就去拿破崙墓、協和廣場同埋凱旋門,參觀完之後就去食飯;飯後就去塞納河遊船河,之後就有幾個鐘嘅時間去老佛爺Shopping,我哋就當然唔會喺呢個已被淪陷嘅地方久留,我哋選擇探路去羅浮宮門口一帶,預備聽日同埋D團友一齊去,之後就番老佛爺會合,會合之後就去食飯,全日行程就係咁!OK,Let's go~~
一如以往,又係早少少起身,不過今次呢間酒店附近無嘢好行,我哋就早d去食早餐lor~~ 食完早早餐就出發去巴黎鐵塔,唔…今日天氣普通。
﹝巴黎鐵塔附近﹞
坐咗一陣車就去到巴黎鐵塔,正如所有熱門景點一樣,大家係要排隊上去觀光嘅,初初排隊嘅時候我都唔覺凍,但係企吓企吓就覺得有D凍,由最原本就咁著住件褸,跟住就要拉埋拉鏈,再之後就要笠埋頂帽TIM~~
﹝好凍呀@巴黎鐵塔底﹞
巴黎鐵塔一帶有好多黑人喺度賣手信,價錢唔貴,大約€1一件,不過我覺得佢哋靠唔住,唔似淨係賣嘢咁簡單……
佢哋個個都會賣唔同種類嘅手信,如下圖所見,有人賣字母積木車仔,有人會賣鎖匙扣,有人會賣手繩,總之你比佢哋知道你想買嘢的話,佢哋就會一堆人圍住你,假如佢哋係小偷的話,咁你就好危險,當你專心揀手信時,亦都係佢哋『做嘢』嘅好時機…
我唔係話全部黑人都係小偷,只不過,我曾經比D黑人有組織性地打荷包,所以我會對D黑人好有誡心。﹝一年後嘅經歷,喺一年前嘅Blog度講~~﹞
﹝流動黑人手信店@巴黎鐵塔底﹞
凍吓凍吓咁唔知凍咗幾耐,終於見到個入口嘞,原來個Ticket Office係有個顯示板,話比大家知今日嘅能見度概況,今日天氣普通,所以個能見度無咁好。
﹝Ticket Office 顯示板@巴黎鐵塔底﹞
當我回頭一睇,嘩~~原來已經排咗好多人……
﹝好多人呀~~﹞
哈哈~~終於攞到飛嘞~~呢一張飛有兩個虛線嘅角,由地下上二樓入電梯時,佢就會剪一邊角;如果要上塔頂,就當然要比人剪埋另一邊角啦,不過千祈唔好搏懵,明明買飛只可以上二樓,但係就借D意上埋塔頂,肯定你一定比人踢番轉頭!
﹝巴黎鐵塔底入場劵﹞
由地下上個鐵塔嘅二樓有兩個方法:
1) 好似我哋咁,搭電梯上;
2) 行樓梯!
我唔係講笑O架,真係有人鐘意行樓梯上同落O架,而我哋亦親眼見到有人上&落。
你唔好以為行樓梯就唔洗錢 or 平d上去個塔度,個收費係一樣嘅!
上到去二樓,呢度嘅景色就真係正好多,而且都好大風,唔知上到塔頂的話,會唔會吹咗個人落O黎呢?
﹝巴黎鐵塔底二樓﹞
參觀完個鐵塔就搭電梯落地下,當我哋向旅遊車方向行緊嘅時候,竟然喺光天化日之下發生一件活生生嘅『欺凌事件』!
呢件『欺凌事件』十分之殘忍,好地地嘅一隻玩具狗,佢都只係執行緊佢嘅任務,邊吠邊走吧,點知隻大狗就好唔LIKE比呢隻玩具狗『踩場』,結果隻玩具狗就係咁比隻大狗又咬又『FING』,真係聞者傷心,聽者流淚……
﹝『欺凌事件』@巴黎鐵塔附近﹞
臨上車前,就當然要同個巴黎鐵塔影番張到此一遊照啦,順手同成班團友加領隊影番張相先~~
﹝到此一遊@巴黎鐵塔﹞
由於未得亦無徵求團友們嘅同意,所以全部樣變晒做哈哈笑,如果你有留意,其中兩位團友個哈哈笑係唔同嘅…
因為…有一件靈異事件發生喺Karen & Brian身上,上巴黎鐵塔前,佢哋仲重溫緊之前幾日嘅相,但係上完個塔之後,由布魯日到蒙馬特山嘅相竟然唔見晒!但係再之前幾日同剛剛影嘅巴黎鐵塔相又有wor,就只係唔見咗嗰一截嘅相,靈異成咁,真係講都無人信呀!
所以影相之時,佢哋真係好唔開心,我亦都理解嗰份嘅唔開心,唔緊要啦Brian & Karen,我已經將我自己由布魯日到蒙馬特山嘅相,有多無少咁燒番隻碟比你哋,希望可以安慰到你哋啦~~
上咗車之後,我哋就去拿破崙墓……到此一遊。
﹝到此一遊@拿破崙墓﹞
查實,呢個拿破崙墓都唔知有咩好睇…到此一遊…都…啱嘅~~
行吓行吓就經過一個公廁,好型仔,不過無幫趁,你估開咗門之後係點吖?
﹝街邊公廁 1﹞
咪就係廁所一個lor~~ 呢個公廁比我想像中乾淨好多,相比香港嘅,真係慘不忍睹呀!
﹝街邊公廁 2﹞
去完拿破崙墓之後,就係去協和廣場。查實,呢個廣場有咩好睇呢?除咗有條方尖碑同埋好大個空地外,仲有乜好睇?
﹝『大快活』?『服他輕』?@協和廣場﹞
唔知大家會唔會覺得今日嘅行程十分之走馬看花呢?其實我自己都好覺,呢度停一停,影幾張相,跟住又上車去下一個景點…
不過放心,呢個咁沒趣嘅走馬看花行程將於食飽飯後完結,安慰住自己先……
『下一個站係凱旋門,The next station is Hoi Suen Mun,沙依踭匙皆相民』
大大個凱旋門就喺眼前,不過呢張相有件特別嘅事要大家留意一下,請留意下圖右下角嘅交通燈,咩解究會有高低兩組交通燈嘅?根據領隊所講,好早期嘅法國,交通燈就只有高嗰一組,但當時經常發生衝紅燈事件,被票控嘅司機就無賴到走去話D交通燈SET得太高,只係比D大車司機睇,而佢哋只係因為『睇唔到』係紅燈,所以佢哋先至會衝紅燈,所以呢個係係政府嘅責任。
我都唔知領隊有無吹水,不過到最後,就真係整咗一高一矮交通燈…
﹝凱旋門在望﹞
到了…
﹝凱旋門﹞
走馬看花之旅即將完結,係時間食LUNCH!不過路經一條隧道…上面,我唔知呢條隧道叫咩名,但係領隊就話戴妃就喺呢條隧道炒車死亡…
﹝死亡隧道…﹞
呢餐lunch無乜特別,要講特別的話,就特別貴lor,成€16.50一餐lunch。
﹝好貴嘅一餐lunch~~﹞
下一part再講lunch後嘅行程!
留言列表